सोलापूर : भुईकोट किल्ल्याला कोणत्याही प्रकारचा धक्का न पोचविता या परिसराला आधुनिकतेची जोड देत येथील हुतात्मा बागेचा विकास करण्यात येत आहे. उजाड माळरानाचे स्वरूप असलेल्या या बागेचे सौंदर्य आता बहरले आहे. त्यामुळे "इतिहास आणि आधुनिकते'चा अनोखा संगम या ठिकाणी बघायला मिळणार आहे.
पुरातत्त्व विभागाची परवानगी न मिळाल्याने या बागेतील कामे थांबली होती. मात्र, आता परवानगी मिळाल्याने कामांना वेग आला आहे. मुख्यमंत्री देवेंद्र फडणवीस सोमवारी (ता. 17) सोलापूर दौऱ्यावर येत आहेत. त्यांच्या हस्ते या बाग नूतनीकरणाचे उद्‌घाटन नियोजित आहे. मुख्यमंत्र्यांनी वेळ दिल्यास उद्‌घाटन करता येईल या हेतूने या बागेतील कामे वेगाने करण्यात येत आहेत.
भुईकोट किल्ल्याला कोणत्याही प्रकारचा धक्का न पोचविता नैसर्गिक प्रकारचे साहित्य वापरण्यात आले आहे. त्यामुळे हुतात्मा बागेत अनोखी रंगसंगती दिसून येत आहे. खंदक बागेत फरशीचा ट्रॅक करण्यात आला आहे. बेंच बसविण्यात आले आहेत. तसेच चौपाटीकडून तसेच हिराचंद नेमचंद वाचनालयासमोरून खंदक बागेत जाणारा रस्ताही दुरुस्त करण्यात आला आहे. एकंदरीतच, हुतात्मा बाग आणि खंदक बागेत अत्याधुनिक पद्धतीने सुधारणा करण्यात आल्या आहेत.
हुतात्मा बागेतील आकर्षण
- 170 अत्याधुनिक पद्धतीचे दिवे
- आकर्षक खेळणी
- मुलांसाठी अभ्यासिका
- रंगीत कारंजाचे आकर्षण
- लाल मातीचा ट्रॅक
- विविध प्रकारची फुलझाडी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.