बेळगाव - भाजपचे अधिकृत उमेदवार इरण्णा कडाडी यांनी आज (ता.9) राज्यसभेसाठी उमेदवारी अर्ज बंगळूर येथे दाखल केला. विधानसभेच्या सचिव एम. के. विशालाक्षी यांना उमेदवारी अर्ज सुपूर्द केला.
राज्यसभा निवडणूक जाहीर झाल्यानंतर पक्षश्रेष्ठींनी निष्ठावंत इरण्णा कडाडी यांना राज्यसभेची उमेदवारी जाहीर केली आहे. त्यानुसार आज उमेदवारी अर्ज दाखल केला आहे. यावेळी मुख्यमंत्री बी. एस. येडियुराप्पा, भाजपचे राज्याध्यक्ष नलीनकुमार कटील, पालकमंत्री रमेश जारकीहोळी, कन्नड आणि सांस्कृतिक मंत्री सी. टी. रवी उपस्थित होते. राज्यसभा सदस्य प्रभाकर कोरे यांचा कार्यकाळ पूर्ण होण्यास आला आहे. यासाठी परत त्यांनाच उमेदवारी घोषित होण्याची अटकळ बांधली जात होती. पण, तसे घडले नाही. आमदार उमेश कत्ती यांचे बंधू रमेश कत्ती यांच्या उमेदवारीचीही चर्चा होती. पण, लोकसभापाठोपाठ राज्यसभा निवडणुकीतही कत्ती बंधूंना डावलत श्री कडाडी यांना उमेदवारी जाहीर केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.