सांगली : कोरोना (Coronavirus) हा फर्जीवाडा आहे. जागतिक आरोग्य संघटनासुद्धा (World Health Organization) फर्जीवाडा संस्था आहे. त्यांचे डॉक्टर, वैज्ञानिक आणि कर्मचारी हे फर्जी आहेत. देशातील हिंदू हा भाषावाद आणि जातीयवादावर विभागला आहे. परंतु, संपूर्ण देशावर राज्य करायचं असेल, तर सर्व हिंदुंनी त्याग केला पाहिजे. सर्व हिंदू एक होवून देशावर हिंदुचे राज्य करण्यासाठी हिंदू व्होट बँक तयार करून देशाचे हिंदूकरण होणे गरजेचं आहे, असे प्रतिपादन कालीपुत्र कालीचरण महाराज (Kalicharan Maharaj) यांनी केले. ते सांगलीत प्रसार माध्यमांशी बोलत होते.

कोरोना हा भयानक महामारी नाही. ज्या कोरोनामुळं लोकांचा मृत्यू झाला, त्या लोकांना डॉक्टरांनी (Doctor) मारलं आहे. किडनी आणि मानवी शरीरातील अवयवांची तस्करी झालेली आहे, असा धक्कादायक आरोपही कालीचरण महाराजांनी केलाय. ते पुढे म्हणाले, देशासह जगावर हिंदू राष्ट्र (Hindu Rashtra) व्हावं, अशी छत्रपती शिवाजी महाराज यांची इच्छा होती. परंतु, सध्या हिंदू हा भाषावाद आणि जातीवादावर विभागाला आहे. तो एक होणं गरजेचं आहे. जगात सनातन हिंदू धर्म हाच श्रेष्ठ आहे. परंतु, हिंदू धर्मात काही विघटक आहेत. त्यांना साफ करणं गरजेचं आहे.

अमेरिकेत रेमडिसिव्हरवर बंदी आहे, तर भारतात हे इंजेक्शन का दिलं गेलं. कोरोना हे एक षडयंत्र आहे. देशातील सर्व हिंदू एक करून देशातील राजकीय व्होट बँक तयार केली पाहिजे. देशात विकास पाहिजे आणि आता तो पंतप्रधान नरेंद्र मोदी (Narendra Modi) करीत आहेत. त्यांना आमचा पाठिंबा राहणार आहे. यासाठी इतिहासात हिंदूवर झालेला अन्याय पटवून देणे आवश्यक आहे. परंतु, अनेकजण हिंदू धर्मासाठी काम करणं सोडून जातीसाठी माती खाण्याचा उद्योग करीत आहेत, असंही ते म्हणाले.