पारनेर : गावाला अंधारात ठेवून ग्रामसेवक व तलाठ्याने ग्रामपंचायत पोटनिवडणुकीची एक जागा बिनविरोध केली, असा आरोप करत तालुक्‍यातील मांडवे खुर्द येथील सरपंचाने तहसीलदार व जिल्हाधिकाऱ्यांकडे तक्रार केली आहे. 

येथे क्‍लिक करा त्यांनी तो पॅटर्न राबवावा 

मांडवे खुर्दच्या प्रभाग एकमधील एक जागा इतर मागास प्रवर्गातील महिलेसाठी राखीव आहे. या जागेवर मागील निवडणुकीत विजयी झालेल्या महिलेने जातीचा पुरावा वेळेत दाखल न केल्याने तिचे सदस्यत्व रद्द झाले. त्यामुळे तेथे पोटनिवडणूक जाहीर झाली होती. मात्र, हा निवडणूक कार्यक्रम गावाला माहीत झालाच नाही. ग्रामसेवक व तलाठी यांनी सरपंचासह ग्रामस्थांना याबाबत अंधारात ठेवले. कोणतीही माहिती दिली नाही. दरम्यान, निवडणूक कार्यक्रमानुसार उमेदवारी अर्ज दाखल करण्याच्या अखेरच्या दिवशी ग्रामसेवक व तलाठ्याने गावातील काही जणांना हाताशी धरून केवळ एका महिलेचा अर्ज भरून घेतला आणि या जागेवर संबंधित महिला बिनविरोध विजयी झाल्याचे जाहीर केले, अशी तक्रार सरपंच जिजाबाई हारदे व उपसरपंच राहुल जाधव यांनी केली आहे. त्यामुळे तेथील ग्रामपंचायत पोटनिवडणूक वादाच्या भोवऱ्यात सापडली आहे. 

हे पाहा तिथं भाजप उतरणारचं 

जिल्हाधिकाऱ्यांकडे तक्रार केली 
आम्हाला अंधारात ठेवून या पोटनिवडणुकीचा कार्यक्रम घेतला. सरपंच या नात्याने मला व ग्रामस्थांना ही माहिती देणे गरजेचे होते. गावात दवंडी देणेही गरजेचे होते. मात्र, तलाठी व ग्रामसेवकाने मला कोणतीही माहिती अथवा सूचना दिली नाही. याबाबत मी जिल्हाधिकारी व तहसीलदारांकडे तक्रार केली आहे. 
- जिजाबाई हारदे, सरपंच, मांडवे खुर्द 

हेही वाचा प्रवरेवरील नाराजी नाट्य संपेना 

तक्रारीची शहानिशा करू 
या पोटनिवडणुकीची माहिती देण्याची जबाबदारी गावाच्या ग्रामसेवकाची असून, याबाबत गटविकास अधिकाऱ्यांशी चर्चा करणार आहे. त्यामुळे या गावातील सरपंच, उपसरपंच व ग्रामस्थांच्या तक्रारींची शहानिशा करून योग्य निर्णय घेतला जाईल. 
- ज्योती देवरे, तहसीलदार, पारनेर  

 आवश्‍य वाचा थोरातच होते भाजपच्या वाटेवर