निपाणी : दोन युवकांमध्ये किरकोळ भांडण होऊन त्यातील एकाने दुसऱ्यावर चाकूने हल्ला (knife attack crime) केल्याची घटना येथील चाटे मार्केट परिसरात मंगळवारी (ता. १५) रात्री घडली. याबाबत निपाणी शहर पोलिसांनी (Nipani city police) त्यांना ताब्यात घेऊन चौकशी सुरू केली आहे. सुशांत महादेव करनुरे (वय. ३१, रा. मेस्त्री गल्ली) आणि निशांत राजू पवार ( रा. न्हावी गल्ली) अशी दोघा युवकांची नावे आहेत.

याबाबत पोलिसांनी दिलेली अधिक माहिती अशी, सुशांत आणि निशांत हे दोघेही वैयक्तिकरीत्या किरकोळ भांडण करीत होते. त्यानंतर हाणामारीमध्ये त्याचे पर्यवसान झाले. त्यावेळी निशांतने सुशांतवर चाकू हल्ला केला. त्यामध्ये सुशांत हा किरकोळ जखमी झाला आहे. याबाबत सुशांतचे वडील महादेव करनुरे यांनी निपाणी शहर पोलिस ठाण्यात तक्रार दाखल केली आहे.