इचलकरंजी -  वनवे तोडून येणाऱ्या भरधाव एसटी बसची समोरुन येणाऱ्या मोटरसायकलस्वाराला जोराची धडक बसली. या धडकेत मोटरसायकलस्वार ठार झाला. रमेश आण्णाप्पा लाटकर ( वय ३४, रा.साजणी, ता. हातकणगंले, जि. कोल्हापूर ) असे त्याचे नाव आहे. हा अपघात सकाळी साडेनऊच्या सुमारास इचलकरंजी शहरातील मुख्य रोडवरील के.एल.मलाबादे चौकाशेजारी झाला आहे. 

मृत रमेश लाटकर हे साजणी ग्रामपंचायत सदस्या सुजाता लाटकर याचे दिर होत. येथील एका खाजगी कंपनीमध्ये मृत श्री.लाटकर नोकरी करीत होते. आज सकाळी कंपनीमध्ये कामासाठी मोटरसायकलवरुन ते येत होते. इचलकरंजीतील मुख्य मार्गावरील मध्यवर्ती एसटी बस स्थानक ते के.एल. मलाबादे चौक या दरम्यान सर्व वाहनासाठी एकेरी वाहतुक मार्ग आहे. याच एकेरी मार्गावर हा अपघात झाला. या अपघातामुळे या मार्गावरील वाहतुक काही काळ विस्कळीत झाली होती.