कोल्हापूर - कोरोनाचे संकट दिवसागणिक ठळक होत आहे. त्यामुळे कोरोना संशयितांच्या तपासणीचा ओघ वाढतोय. अशा संशयितांबरोबर कोरोनाग्रस्तांना क्वॉरंटाईन करण्यात येत आहे. या सर्वांची व कोरोना संशयितांची ने-आण करण्यासाठी १०८ रुग्णवाहिकांची सेवा उपयुक्त ठरत आहे. गेल्या महिनाभरात एक हजार ४६४ व्यक्तींची ने-आण या रुग्णवाहिकांनी केली. त्यामुळे कोरोना संकट काळात १०८ रुग्णवाहिकांचा मदतीचा वाटा मोलाचा ठरला आहे.
जिल्हा ३६ रुग्णवाहिका विविध भागात कार्यरत आहेत. यातील सहा रुग्णवाहिका जिल्ह्याच्या सीमांवर आहेत. तर दोन रुग्णवाहिका सीपीआर रुग्णालय व शहरात सेवा देतात. अशा आठ रुग्णवाहिका फक्त कोरोनाशी संबंधित रुग्ण व संशयितांची ने आण करतात. उर्वरित सर्व १०८ रुग्णवाहिका गंभीर आजारी व जखमींची ने आण करण्यासाठी वापरात आहेत. त्या रुग्णवाहिका जिल्ह्यातील सर्व मोठ्या गावात आहेत.
कोरोनो संर्सगाच्या काळात महापालिका व जिल्हा आरोग्य यंत्रणेकडून विविध भागात कोरोना संशयित तसेच कोरोना पॉझिटिव्ह रुग्णांचा शोध घेतला जातो. यात परदेशावरून आलेल्या लोकांच्या संपर्कात आलेल्या व्यक्ती, याशिवाय तीव्र घसादुखी, अंगदुखी, ताप, सर्दी, खोकला अशा लक्षणे असलेले रुग्ण, कोरोनाच्या व्याख्येत ज्यांची लक्षणे बसतात, अशा व्यक्तीची माहिती आरोग्य यंत्रणेला मिळते, अशा व्यक्तींना सीपीआर रुग्णालयात आणण्यासाठी १०८ रुग्णवाहिकांचा वापर केला जातो.
हे पण वाचा - धक्कादायक : बेळगाव जिल्ह्यातील कुडचीत दोन बालकांना झाला कोरोना...
यात महामार्ग तसे जिल्ह्याच्या सीमांवर नाक्यावर या रुग्णवाहिका आहे. येथे परजिल्ह्यातून येणारे परराज्यातून येणाऱ्या प्रवासी किंवा परदेशातून आलेल्या व्यक्तीच्या संपर्कात आलेल्या व्यक्ती आढळल्यास त्यांना कोरोना संशयित व्यक्ती म्हणून तातडीने १०८ रुग्णवाहिकेतून सीपीआरमध्ये आणून त्यांची तपासणी केली जाते. गेल्या महिन्याभरात जिल्ह्यात जवळपास ९ कोरोनाग्रस्त सापडले तर बाहेरच्या जिल्ह्यातून आलेले दोन कोरोना पॉझिटिव्ह सापडले अशा सर्व कोरोनाग्रस्तांना दवाखान्यात पोहचविण्याचे काम केले आहे.
१७९ गरोदर महिलांना मदत
गेल्या काही दिवसांपूर्वी उचत येथे पहिला कोरोनाग्रस्त आढळला. त्यांच्या संपर्कात आलेल्या व्यक्तींना कोल्हापूरच्या ‘सीपीआर’मध्ये आणण्यासाठी १०८ रुग्णवाहिकेची मोठी मदत झाली. याशिवाय, लॉकडाउनमुळे ग्रामीण भागातील अनेक दवाखाने बंद आहेत. अशा काळात गावागावांतील दुर्गम भागातील गरोदर महिलांना प्रसूतीसाठी शासकीय रुग्णालयात आणण्यात १०८ रुग्णवाहिकांचा पर्याय वापरण्यात येतो. गेल्या महिनाभरात १७९ गरोदर महिलांना रुग्णालयात पाठविले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.