कोल्हापूर - गेल्या सहा ते सात दिवसांपासून जिल्ह्यात कोरोना बाधितांच्या संखेत रोजच भर पडत आहे. त्यामुळे जिल्हावासियांच्याही चिंतेत भर पडत आहे. मुंबईवरून कोल्हापुरात आलेल्यांचे कोरोना अहवाल पाॅझिटिव्ह येत असल्याने जिल्ह्यात बाधितांच्या संखेत भर पडत आहे. यात भर म्हणून की काय परवा, काल आणि आज या रूग्णांच्या संखेत झपाट्याने वाढ होत आहे. नुकत्याच हाती आलेल्या माहितीनुसार आज दिवसभरा ३९ जणांचे कोरोना अहवाल पाॅझिटिव्ह आले आहेत. या ३९ रूग्णांसह आता जिल्ह्यातील बाधितांची संख्या १२२ वर पोहोचली आहे. 

कोल्हापुरच्या बातम्या वाचण्यासाठी येथे क्लिक करा

कालपासून जिल्ह्याला धक्यावर धक्के बसत असतानाच आज आलेल्या 39 जणांच्या अहवालाने आणखीनच भीतीचे वातावरण तयार झाले आहे. आज दिवसभरात ५ वाजून १५ मिनिटापर्यंत ३९ जणांचे अहवाल पाॅझिटिव्ह आले आहेत. त्यामुळे जिल्ह्यात रूग्णांची संख्या आता १२२ वर पोहोचली आहे तर आतापर्यंत १३ रूग्ण कोरोनामुक्त झाले असून दोन कोरोनाबाधितांचा मृत्यू झाला आहे. 

याबरोबरच जिल्ह्यात आरोग्य विभागामार्फत 41 कोव्हिड केअर सेंटरची स्थापना करण्यात आली असून यामध्ये रूग्णसेवेसाठी पहिल्या टप्प्यात 3 हजार 142 बेड उपलब्ध करण्यात आले आहेत. उर्वरित दोन टप्प्यात 4 हजार 111 बेड तयार करण्याचे नियोजन करण्यात आल्याची माहिती जिल्हा आरोग्य अधिकारी डॉ. योगेश साळे यांनी दिली.

कोरोना प्रतिबंधासाठी आरोग्य विभाग दक्ष आणि सजग असल्याचे स्पष्ट करून डॉ.साळे म्हणाले, जिल्ह्यात स्थापन करण्यात आलेल्या 41 कोव्हिड केअर सेंटरच्या माध्यमातून सुमारे 7 हजार 253 बेड तीन टप्प्यामध्ये आवश्यकतेनुसार तयार करण्याचे नियोजन आहे. आतापर्यंत पहिल्या टप्प्यातील 3 हजार 142 बेड उपलब्ध करण्यात आले आहेत. 4 कोव्हिड केअर सेंटरमधून ओपीडी सुरू झाल्याचेही ते म्हणाले.

हे पण वाचा -  कोल्हापुरात कोरोनाबाधिताचा 'तो' मृतदेह... स्मशानभूमीत ना नातेवाईक ना हुंदक्यांचा आवाज... सगळं काही भयाण... 

दरम्यान, यातील बऱ्याचशा रूग्णांना आधिच क्वारंटाईन करण्यात आल्यामुळे जिल्हावासियांना जास्त धोका नाही. शिवाय रूग्ण संख्या वाढत असली तरी कोल्हापुकरांसाठी दिलासादायक बाब म्हणजे राज्य शासनाने वाढवलेल्या लॉकडाऊनच्या नियम व अटींमध्ये कोल्हापूरला जैसे थे ऑरेंज झोनमध्ये ठेवले आहे. त्यामुळे, कडक आणि सक्त नियमांचा रेडझोन कोल्हापूरकरांना वाट्याला आलेला नाही. राज्याचे मुख्य सचिव अजोय मेहता यांनी रेड, ऑरेंज आणि ग्रीन झोनमधील जिल्ह्यांना लागू असणाऱ्या नियम अटींचे परिपत्रक जिल्हाधिकारी कार्यालयाकडे दिले आहे.

हे पण वाचा - 'ते' मुंबईतील रेड झोन मधून गावात आले, सोबत आणलेल्या व्यक्तीवर अंत्यसंस्कार केले अन् झाले गायब...

राज्यातील रेडझोनमध्ये असणाऱ्या जिल्ह्यांमध्ये मुंबई, पुणे, सोलापूर, औरंगाबाद, मालेगाव, नाशिक, धुळे, जळगाव, अकोला आणि अमरावती या जिल्ह्यांचा समोवश आहे. तर पूर्वीचे जिल्ह्यात ग्रीनझोनमध्ये होते ते ग्रीनमध्यच आणि ऑरेंजमध्ये असणारे ऑरेंजमध्ये ठेवण्यात आले आहेत. तर कोल्हापूर जिल्हा ऑरेंज झोनमध्ये होता तो तसाच ठेवण्यात आला आहे.