कोल्हापूर : पुणे-बंगळूर महामार्गावर (Pune-Bangalore Highway) फलटणनजीक काल रात्री झालेल्या अपघातात (Accident) कोल्हापुरातील दोन तरुण ठार झाले आहेत. त्यातील एकजण कसबा बावडा परिसरातील असून दुसरा कोल्हापूर शहरातील आहे. रात्री अकराच्या सुमारास हा अपघात झाला.

आदित्य प्रतापसिंह घाटगे (वय 25, वाडकर गल्ली, कसबा बावडा) व अनिकेत राजेंद्र कुलकर्णी (वय 25, कदमवाडी) अशी अपघातात मृत्यू झालेल्यांची नावे आहेत. देवराज माळी असे जखमीचे नाव आहे. हे सर्वजण मित्राच्या लग्नासाठी पुण्याला गेले होते. परत येताना फलटणजवळ हा अपघात झाला. यातील मयत आदित्य कुलकर्णी हा अनिदा वडा सेंटरचा मालक असून जखमी माळी हा मोर्चा जत तालुक्यातील आहे. शिक्षणासाठी तो कोल्हापुरातील मंगळवार पेठेत राहतो.