कागल (कोल्हापूर) : भरधाव वेगात चाललेल्या ट्रकने मोटारसायकलला पाठीमागून धडक दिली. या अपघातात मोटारसायकलवरील गरोदर महिलेचा जागीच मृत्यू झाला. कागल-निढोरी रस्त्यावर व्हन्नूर फाट्याजवळ ही दुर्घटना घडली. छाया संदीप भराडे (वय ३३) असे दुर्दैवी महिलेचे नाव आहे. 

दौलतवाडी (ता . कागल) येथील संदीप भराडे पत्नी छाया (वय ३३) यांना तपासणीकरिता कागल ग्रामीण रुग्णालयात चालले होते. त्या पाच महिन्यांच्या गरोदर होत्या. व्हन्नूर फाट्याजवळ थांबलेल्या ऊसाच्या बैलगाडीला ओव्हरटेक करत असताना पाठीमागून भरधाव वेगात आलेल्या ट्रकने भराडे यांच्या मोटरसायकलीला जोरात ठोकरले. त्यामुळे संदीपसह छाया भराडे मोटरसायकलीवरून  रस्त्यावर कोसळल्या. पोटावर पडल्याने त्यांचा जागीच मृत्यू झाला. 

हेही वाचा - कोल्हापुरात पहिल्या दिवशी चाचणीचा डोस सात जणांना -

संदीप यांना किरकोळ दुखापत झाली आहे.  दुपारी साडेचार वाजता ही घटना घडली. घटनास्थळी कागलचे पोलिस निरीक्षक दत्तात्रय नाळे व त्यांच्या सहकारी पोलिसांनी भेट देउन  घटनेचा पंचनामा केला. त्यानंतर छाया यांचा मृतदेह शवविच्छेदनाकरिता कागलच्या गामीण रुग्णालयात नेण्यात आला.

संपादन - स्नेहल कदम