कोल्हापूर : लाच मागण्याची प्रवृत्ती मोडून काढण्यासाठी आता मुळापर्यंत जाऊन कारवाईचा धडका लाचलुचपत प्रतिबंधक विभागाने लावला. या वर्षात लाचेच्या प्रकरणात वर्ग एकच्या पाच अधिकाऱ्यांवर कारवाई करीत, त्याची झलकही विभागाने दाखवून दिली. 

लाच मागणीत यंदा महसूल व पोलिस विभाग आघाडीवर राहिल्याचे कारवाईतून स्पष्ट झाले. शासकीय, निमशासकीय यंत्रणेतील कामे विनाविलंब व्हावीत, अशी सर्वसामान्यांची अपेक्षा असते. या यंत्रणेत भ्रष्टाचाराचा कोणी प्रयत्न करीत असेल तर त्याच्यावर लाचलुचपत प्रतिबंधक विभागाकडून कारवाई केली जाते. पण, त्यासाठी तक्रारी देण्याकरिता नागरिकांना पुढे यावे लागते. यासाठी विभागाकडून काही वर्षांत मोठ्या प्रमाणात प्रबोधनाची मोहीम हाती घेतली आहे. त्याला यश मिळत असून, तक्रारीचे 

प्रमाण वाढू लागले आहे. लाचेच्या मागणीबाबतची तक्रार आल्यावर मागणी करणाऱ्यासह ती स्वीकारणाऱ्यावर सर्वसाधारण कारवाई केली जात होती. पण, विभागाने लाच मागण्याची प्रवृत्ती मुळासकट मोडून काढण्याचा पवित्रा हाती घेतला आहे. लाच मागणीच्या प्रक्रियेत मोठ्या माशाबरोबर प्रत्येक घटकावर कारवाईची मोहीम हाती घेतली आहे. ११ महिन्यांत विभागाने वर्ग एकच्या तब्बल पाच अधिकाऱ्यांना जाळात पकडले.

हेही वाचा- कोल्हापूर: तीन पानी जुगार खेळणारे आठ जण पोलिसांच्या ताब्यात -

वर्ग १ चे पाच अधिकारी जाळ्यात...
मस्यविभाग, लघुपाटबंधारे, जिल्हा परिषद बांधकाम विभाग, वैद्यकीय अधीक्षक आणि महावितरण विभागातील वर्ग एकच्या पाच अधिकाऱ्यांवर यंदा आतापर्यंत लाचलुचपत विभागाने कारवाई केली.

संपादन- अर्चना बनगे