कोल्हापूर

'आग्रा-राजगड-पारगड' शिवज्योतीचे कोल्हापुरात जल्लोषी स्वागत

संदीप खांडेकर

चार राज्यांतून प्रवास करत शिवज्योत राजगड, सातारा, कराड, पेठ नाका, इस्लामपूर, पुलाची शिरोलीमार्गे आज कोल्हापुरात आली.

कोल्हापूर : छत्रपती शिवाजी महाराज की जय, जय भवानी जय शिवाजी व छत्रपती संभाजी महाराज की जय या जयघोषात 'आग्रा ते राजगड ते पारगड' शिवज्योतीचे रणरागिणी ताराबाई चौक येथे आज जल्लोषात स्वागत झाले. हिल रायडर्स अॅडव्हेंचर फाऊंडेशनतर्फे स्वागत करण्यात आले.

छत्रपती शिवाजी महाराज आग्रा येथे औरंगजेबाच्या नजरकैदेत होते. त्यातून ते सहीसलामत सुटून राजगडला पोचले. या घटनेला यंदा ३५५ वर्षे पूर्ण होत आहेत. या घटनेच्या स्मृती चिरंतन जपल्या जाव्यात, या उद्देशाने शिवज्योत मोहिमेचे आयोजन केले आहे. आग्रा येथून १७ ऑगस्टला शिवज्योतीस सुरुवात झाली. चार राज्यांतून प्रवास करत शिवज्योत राजगड, सातारा, कराड, पेठ नाका, इस्लामपूर, पुलाची शिरोलीमार्गे आज कोल्हापुरात आली.

योद्धा फाऊंडेशन कमांडो रेस्क्यू फोर्सच्या कमांडोंच्या संचलनात सूरज ढोली, कृष्णा भोसले, संकेत गायकवाड शिवज्योत घेऊन ताराराणी चौक येथे पोचले. ताराराणी यांच्या पुतळ्याजवळ गगनभेदी घोषणा दिल्यानंतर हिल रायडर्स अॅडव्हेंचर फाऊंडेशनचे अध्यक्ष प्रमोद पाटील, विजय देवणे, राहुल चिकोडे, किशोर पडवळ, ऋषीकेश केसकर यांच्या प्रमुख उपस्थितीत पुतळ्यास पुष्पहार अर्पण करण्यात आला. त्यानंतर व्हीनस कॉर्नर येथील राजाराम महाराज व दसरा चौक येथील राजर्षी छत्रपती शाहू महाराज यांच्या पुतळ्यास पुष्पहार अर्पण करण्यात आला. छत्रपती शिवाजी महाराज चौक येथे शिवज्योतीचे स्वागत झाले.

दरम्यान, उद्या (३१) सकाळी साडेनऊ वाजता छत्रपती शिवाजी चौक येथे पाच नद्यांच्या पाण्याच्या कलशासह जिल्ह्यातील विविध तालुके, गडकोट व ऐतिहासिक ठिकाणांना ज्योती रवाना होतील. मुख्य शिवज्योत कागल, निढोरी, मुरगूड, गारगोटी, भुदरगड किल्ला, उत्तूर, गडहिंग्लज, सामानगड, नेसरीखिंड, गंधर्वगड, चंदगड, कलानिधीगडमार्गे पारगडला पोचणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sharad Pawar : तब्येतीच्या कारणामुळे शरद पवारांचे उद्याचे सर्व कार्यक्रम रद्द

Vijay Wadettiwar : ''हेमंत करकरेंची हत्या पोलिसांकडून'', विजय वडेट्टीवारांचा आरोप अन् फडणवीसांचा पलटवार

IPL 2024 LSG vs KKR Live Score: नारायणचे दमदार अर्धशतक, तर रमनदीपची अखेरीस तुफानी फटकेबाजी; कोलकाताचे लखनौसमोर 236 धावांचे लक्ष्य

Sharad Pawar : आपण सर्वजण एक आहोत तोपर्यंत कोणी धक्का लावू शकत नाही : शरद पवार

Prakash Ambedkar : पवार व ठाकरे यांची मागच्या दरवाजातून भाजपशी चर्चा; ॲड. प्रकाश आंबेडकर यांचा दावा

SCROLL FOR NEXT