कुरुंदवाड (कोल्हापूर) - शिरदवाड (ता. शिरोळ)च्या उपसरपंच निवडीच्या अर्जावर सदस्यांच्या बनावट सह्या करून नामनिर्देशन पत्र सादर केल्या प्रकरणी माजी उपसरपंच सयाजीराव जयसिंगराव पाटील व माणिक रामचंद्र मगदूम यांच्यावर येथील पोलिसांत गुन्हा दाखल झाला आहे. याबाबतची फिर्याद सुजाता मारुती कोळी यांनी दिली आहे. दोघांना येथील प्रथमवर्ग न्यायालयाने 3 दिवसांची पोलिस कोठडी सुनावली आहे.
पोलिसांतून मिळालेली माहिती अशी, सयाजीराव पाटील आणि माणिक मगदूम ग्रामपंचायत सदस्य आहेत. रिक्त झालेल्या उपसरपंच पदाच्या निवडीसाठी सुजाता मारुती कोळी यांनी सूचक म्हणून उपसरपंचपदाच्या उमेदवार नीता प्रमोद पाटील यांच्या नामनिर्देशनपत्रावर सही केलेली असताना माणिक मगदूम यांनी स्वतःच्या नामनिर्देशन पत्रावर पाटील यांची खोटी बनावट सही करून उपसरपंचपदाच्या निवडीसाठी नामनिर्देशनपत्र सादर केले होते. वनिता विजय पोवार यांच्या उपसरपंचपदाच्या नामनिर्देशन पत्रावर अनिल दशरथ कुरणे यांनी सूचक म्हणून सही केली असताना सयाजीराव पाटील यांनी त्यांच्या स्वतःच्या नामनिर्देशन पत्रावर अनिल कुरणे यांची सूचक म्हणून खोटी बनावट सही करून नामनिर्देशन पत्र सादर केल्याची फिर्यादीत म्हटले आहे.
हे पण वाचा - धक्कादायक : विषारी नाग पकडायचा, त्याचे चुंबन घेत खेळ करायचा, तो डंख मारू लागताच माणसांच्या गर्दीत सोडायचा...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.