कोल्हापूर : कोरोना विषाणूचा संसर्ग रोखण्यासाठी ग्राम समिती आणि प्रभाग समितीने अथक परिश्रम घेतले आहे. याबद्दल जिल्हाधिकारी दौलत देसाई यांनी या समिती सदस्यांचे अर्ध शासकीय पत्र पाठवून त्यांचे आभार मानून कौतुकही केले आहे. दरम्यान, पुढील 15 दिवस आणखी सतर्क राहिल्यास, या कोरोना विरूध्दच्या युद्धात आपला विजय निश्‍चित आहे, असा विश्वासही जिल्हाधिकारी श्री देसाई यांनी आज दिला. 

हेही वाचा-सोशल मीडियावर अफवा पसरविल्याप्रकरणी वकीलावर गुन्हा दाखल

तपासणी करुनअलगीकरण करावे.
जिल्हाधिकारी श्री देसाई यांनी ग्राम आणि प्रभाग समितीच्या सर्व अध्यक्ष व सदस्यांना पाठवलेल्या या पत्रात म्हटले आहे की, वीस मार्चनंतर गावात व प्रभागात आलेल्या बाहेरुन सर्व व्यक्तिंना त्यांच्या राहण्याच्या ठिकाणी अलगीकरणात ठेवावे. यात कोणालाही सवलत देवू नये. दिल्ली किंवा इतर ठिकाणी धार्मिक कार्यक्रमासाठी गेलेल्या सर्व व्यक्तींची तातडीने वैद्यकीय तपासणी करुन त्यांचे अलगीकरण करावे.

हेही वाचा- दिवे तर लावले पण डोक्‍यात प्रकाश पडेल का?

कोरोना सदृश्‍य आजाराची लक्षणे आढळल्यास त्वरित पुढील तपासण्या कराव्यात. पंचायत समिती किंवा प्रभाग समितीच्या सदस्यांच्या सूचनांचे पालन केले जात नाही. मास्क किंवा आवश्‍यक सुुरक्षितात न पाळता समिती सदस्यांवर अरेरावी करणारा एखादा व्यक्ति असेल तर त्यांच्यावर गुन्हा दाखल करावा.असे जिल्हाधिकाऱ्यांनी म्हटले आहे.