बेळगाव : निपाणी पालिकेतील अभियंता आणि ऑपरेटवर यांच्यावर लाच घेताना करण्यात आलेली कारवाई ताजी असतानाच आज (ता.6) सदलगा नगरपंचायतीचा बील कलेक्टर एसीबीच्या जाळ्यात अडकला आहे. अशोक नेमा हेगडे असे त्याचे नाव असून उताऱ्यावरील बोजा कमी करुन नवीन उतारा देण्यासाठी 9 हजारांची लाच घेताना त्याला रंगेहात पकडण्यात आले आहे.
संशयिताला अटक करुन जिल्हा रुग्णालयात वैद्यकिय तपासणी केली. त्यानंतर त्याला न्यायालयासमोर हजर करण्यात आले असता त्याची रवानगी कारागृहात करण्यात आली.
शिवानंद कुमार करगंळे (रा. सदलगा ता. चिकोडी) यांनी त्याच्या विरोधात एसीबी पोलीस ठाण्यात फिर्याद दिली होती. श्री. करगंळे यांच्या वलिलांच्या नावावर आश्रय घरकुल मंजूर झाले होते. यापूर्वी मंजूर झालेल्या घरावर असलेला बोजा कमी करुन वडिलांच्या नावावरील नवीन उतारा देण्यासाठी सदलगा नगरपंचायतीचा बील कलेक्टर हेगडे याने त्यांच्याकडे बारा हजार रुपयांची लाच मागीतली होती. त्यानंतर नऊ हजार रुपये देण्याचे ठरले होते.
हे पण वाचा - पंचगंगा धोक्याच्या पातळी जवळ ; रेडेडोह फुटला....
करगंळे यांनी एसीबी पोलीस ठाणे गाठून आपली फिर्याद दिली होती. त्यानुसार एसीबीचे उत्तर विभागाचे जिल्हा पोलीस प्रमुख बी. एस. न्यामगौडर यांच्या मार्गदर्शनाखाली सापळा रचण्यात आला. त्यानुसार पोलीस उपअधिक्षक शरणाप्पा यांच्या नेतृत्वाखाली पोलीस निरीक्षक एच. सुनिलकुमार, ए. एस. गोदीगोप्प व त्यांच्या सहकाऱ्यांनी करगंळे यांच्याकडून नउ हजार रुपयांची लाच घेताला हेगडेला रंगेहात पकडले. सलद दुसऱ्या दिवशी एसीबीने केलेल्या या कारवाईमुळे भ्रष्ट अधिकाऱ्यांचे धाबे दणाणले आहेत.
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.