बेळगाव - केंद्राच्या मार्गसूचीप्रमाणे बेळगाव जिल्ह्याचा समाविष्ट ऑरेंज झोनमध्ये झाल्याचे स्पष्टीकरण बेळगावचे जिल्हाधिकारी डॉ. एस. बी. बोम्मनहळ्ळी यांनी आज (ता.3) दिले. गेल्या दोन दिवसांपासून बेळगावचा नेमका समाविष्ट कोणत्या श्रेणीत आहे, त्याबाबतचे संभ्रम होते. जिल्हाधिकाऱ्यांनी त्याबाबत खुलासा करत बेळगाव ऑरेंज झोनमध्ये असून, त्याप्रमाणे पुढील कार्यवाही केली जाईल, अशी माहिती दिली.
दुसऱ्या टप्प्यात लॉकडाऊन आज (ता.3) संपणार आहे. तिसऱ्या टप्प्यातील कालावधी उद्यापासून (ता.4) जारी होणार आहे. सुधारीत आदेशाप्रमाणे रेड झोनमध्ये लॉकडाऊन कायम असणार आहे. पण, आरेंज झोनमध्ये दैनंदिन कामकाज, वाणिज्य व्यवहार व वाहतुकीला परवानगी मिळणार नाही. पण, ती सशर्त असेल. केंद्राने मार्गसूची तयार केली आहे. त्यानुसार 4 एप्रिलपासून कार्यवाही सुरु होईल, असे जिल्हाधिकारी बोम्मनहळ्ळी यांनी सांगितले.
पालकमंत्री जगदीश शेट्टर यांनी शनिवारी बेळगावचा समाविष्ट ऑरेंज झोनमध्ये असल्याचे स्पष्ट केले होते. त्यानुसार तिसऱ्या टप्प्यातील लॉकडाऊनची कार्यवाही करण्यात येईल, अशी माहिती दिली. पण, राज्य सरकारतर्फे जाहीर यादीत बेळगावचा समाविष्ट रेड झोनमध्ये आहे. यासाठी जिल्हाधिकारी बोम्मनहळ्ळी यांनी आज याबाबत स्पष्टीकरण दिले. केंद्र सरकारच्या मार्गसूचीनुसार बेळगावात कार्यवाही केली जाईल. पावले उचलण्यात येतील. नियम आणि अटी लागू केल्या जातील. आर्थिक, वाणिज्य विकासाला चालना देण्याबाबत निर्णय घेण्यात येतील. वाहतुकीला सशर्त परवानगी मिळेल, अशी माहिती दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.