कोल्हापूर : राष्ट्रवादी काँग्रेसचे नेते व जिल्हा बॅंकेचे संचालक भय्या माने यांनी पुणे पदवीधर मतदारसंघातून माघार घेतल्याचे समजते. दरम्यान, राष्ट्रवादी काँग्रेसचे उमेदवार अरुण लाड यांनी आता त्यांच्याशी निवडणुकीबाबत चर्चा केली. दरम्यान, कार्यकर्त्यांशी चर्चा करून त्यानंतर निर्णय घेऊ, असे आश्‍वासन माने यांनी लाड यांना दिले. 

पुणे पदवीधर मतदारसंघातून अरुण लाड राष्ट्रवादीचे अधिकृत उमेदवार आहेत; मात्र राष्ट्रवादीचे माजी प्रदेश उपाध्यक्ष भय्या माने यांनी अपक्ष म्हणून अर्ज भरला होता. प्रत्यक्षात लाड यांचे नाव जाहीर झाल्याने माने यांनी माघार घ्यावी. यासाठी काल लाड यांनी त्यांची भेट घेतली. राज्यात महाविकास आघाडीचे सरकार आहे. ही निवडणूक राष्ट्रवादी काँग्रेस, शिवसेना, काँग्रेस मिळून लढवत आहेत.

हेही वाचा - संपत्तीच्या हव्यासाने घुबडांची सांगली, सोलापूर, कोल्हापूर, बेळगावात तस्करी -

अशावेळी सर्वांनी एकत्र येऊन मतदारसंघात राष्ट्रवादीचा झेंडा फडकवला पाहिजे. त्यामुळे तुम्ही अर्ज माघारी घेऊन सहकार्य करावे, अशी विनंती लाड यांनी केली. भैय्या माने म्हणाले, ‘‘याबाबतचा निर्णय घेण्यापूर्वी कार्यकर्त्यांशी चर्चा करणे आवश्‍यक आहे. यासाठी उद्या सकाळी ११ वाजता मेळावा घेऊन मगच निर्णय जाहीर करू.’’ लाड यांनी शनिवारी  ग्रामविकासमंत्री हसन मुश्रीफ यांची भेट घेऊन मुश्रीफ यांनी लाड यांना विजयाची खात्री दिली आहे.

संपादन - स्नेहल कदम