गारगोटी (कोल्हापूर) : लाखो भाविकांचे श्रद्धास्थान असलेल्या आदमापूर (ता. भुदरगड) येथील संत बाळूमामांची भंडारा यात्रा सलग दुसऱ्यावर्षी कोरोनामुळे रद्द झाली. यात्रा रद्द केल्याने परिसरात शुकशुकाट जाणवला. देवस्थानचे पुजारी, मानकरी व मोजक्या ग्रामस्थांच्या उपस्थितीत जागर झाला. यानिमित्त बाळूमामांची सालकृंत महापूजा बांधली होती.
बाळूमामांच्या गाभाऱ्यात जरबेरा फुलांनी आकर्षक सजावट केली होती. मंदिरास कळे (ता. पन्हाळा ) येथील दीपक बुरुड यांनी नेत्रदिपक विद्युत रोषणाई केली होती. यामुळे मंदिराचा मंडप, दीपमाळ विद्युत रोषणाईने उजळून निघाला होता. पुजा कांबळे व जयश्री पाटील या मुलींनी मंदिरासमोर सुरेख रांगोळी रेखाटली होती.
जागरादिवशी पहाटे कृष्णात बाबुराव डोणे (पुजारी) यांची भाकणूक झाली. त्यांनी सद्यस्थितीतील प्रश्न, समस्यांवर लक्ष केंद्रित करीत भविष्यवाणी केली. या वेळी देवस्थानचे अध्यक्ष धैर्यशील भोसले यांच्यासह मोजकेच मानकरी उपस्थित होते.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.