कसबा तारळे (कोल्हापूर) : मूळचे गुडाळ (ता.राधानगरी) येथील व सध्या कोल्हापुरात वास्तव्यास असलेल्या दोन सख्ख्या भावांचे लग्न बाहेर गावी झाले.लग्नाचा गोंधळ मात्र मूळ गुडाळ गावी बारा दिवसांपूर्वी प्रथेप्रमाणे झाला. कार्य उरकल्यानंतर काही दिवसांनी एका नवरदेवाची प्रकृती बिघडली. त्याला व त्याच्या मावशीला कोरोनाचा संसर्ग झाल्याचे निदान झाले. लगेचच या दोघांवर कोल्हापुरातील एका इस्पितळात उपचार सुरू झाले.
ही माहिती समजताच स्थानिक ग्रामपंचायत प्रशासन व तालुका आरोग्य विभागाने दखल घेत संबंधित घरासह परिसरातील काही घरांतील रहिवाशांची प्राथमिक तपासणी केली.तालुका वैद्यकिय अधिकारी डॉ.राजेंद्र शेट्टे यांनीही तातडीने येथे भेट देऊन संबंधितांना आवश्यक सूचना दिल्या. आता या सर्वांवर आरोग्य विभाग व स्थानिक प्रशासन लक्ष ठेवून आहे. संसर्ग नेमका लग्नकार्यात झाला की गोंधळात झाला हे मात्र समजू शकले नाही.
" लग्न झालेल्या कुटुंबातील बहुतांशी सदस्य कोल्हापूरला स्थायिक असतात.जेव्हा नवरदेव व त्याची येथील मावशी कोरोना संसर्ग बाधीत झाल्याचे समजले तेव्हा लगेच आरोग्य विभागाच्या मदतीने घरोघरी तपासणी मोहीम राबविली.संसर्ग वाढणार नाही याची दक्षता आम्ही घेत आहोत."
- अभिजीत पाटील (माजी सरपंच)
Edited By- Archana Banage
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.