कोल्हापूर : मुख्यमंत्री उद्धव ठाकरे यांचा अवमान यापुढे सहन करणार नाहीच शिवाय त्यांच्यासंबंधी यापुढे अपशब्द वापरल्यास कर्नाटकातील एकाही मंत्र्यांला महाराष्ट्रात फिरू देणार नाही. असा इशारा शिवसेनेचे जिल्हाप्रमूख विजय देवणे यांनी आज दिला. कर्नाटकचे मुख्यमंत्री येडीयुराप्पा यांच्या निषेधाच्या घोषणा देत शिवसेनेने आज त्यांच्या पुतळ्याचे दहन केले. मिरजकर तिकटी येथे दुपारी साडेबाराच्या सुमारास आंदोलन झाले.
येडीयुराप्पा यांनी महाराष्ट्रासंबंधी वादग्रस्त विधान केले होते. शिवसेना जिल्हाप्रमूख विजय देवणे यांच्यासह सुजित चव्हाण, दत्ता टिपुगडे, राजेंद्र जाधव, शशी बिडकर, मंजित माने, प्रविण पालव एकत्रित आले. बेळगावमध्ये ठाकरे याचा अवमान झाला तो यापुढे सहन करणार नाही. कर्नाटक सरकारचा असाच व्यवहार राहिला तर कर्नाटकातील एकाही माणसाला सोडणार नाही असा इशारा देवणे यांनी आंदोलनानंतर दिला.
ते म्हणाले, कर्नाटकच्या एकाही मंत्र्यांने यापुढे महाराष्ट्राच्या मुख्यमंत्र्याबाबत अपशब्द वापरू नये अन्यथा त्यांना महाराष्ट्रात फिरकू देणार नाही. बेळगाव महापालिकेसमोर लाल तसेच पिवळ्या रंगाचा ध्वज लावला गेला आहे. तो तातडीने काढून घ्यावा. अन्यथा बेळगाव येथे 21 जानेवारीच्या बेळगाव येथील मोर्चात कोल्हापुरातील शिवसैनिक मोठ्या संख्येने सहभागी होतील. समोरच्या रस्त्याने जाऊन आम्ही ध्वज उतरवू असेही देवणे यांनी नमूद केले. येडीयुराप्पा यांच्या पुतळ्याचे दहन करून त्यांच्या निषेधाच्या घोषणा देण्यात आल्या.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.