कोल्हापूर : कोरोनाचा संसर्ग रोखण्यासाठी प्रशासनाकडून शक्‍य तितक्‍या उपयायोजना केल्या जात आहेत. याचाच भाग म्हणून मास्क न वापरणे, नियमांचे उल्लंघन करणाऱ्यांवर शहरातील सीसीटीव्हीच्या माध्यमातून कारवाईची प्रक्रिया सुरू झाली आहे. कोरोनाचे संकट वाढू लागले. रुग्णांसाठी बेड मिळणे कठीण बनले आहे.

हेही वाचा - अप्पांची रूबाबात एन्ट्री; केवळ नंबरवरूनच मिळते महादेवराव महाडिक आल्याची वर्दी 

प्रशासनासह महापालिकेकडून आवश्‍यक त्या उपाय योजना केल्या जात आहे. महापालिका प्रशासनाकडून सोशल डिस्टन्सिंगचा भंग आणि मास्क न वापरणाऱ्यांवर कारवाईची मोहीम राबविण्यात येत आहे. या कारवाईसाठी त्यांना पोलिस बंदोबस्तही आहे. तरीही  विना मास्क फिरणाऱ्यांचाही संख्या वाढू लागली आहे. याची दखल घेत प्रशासनाने शहरात सेफ सिटी अंतर्गत लावलेल्या सीसीटीव्ही आधारे संबंधितांवर कारवाईची प्रक्रिया हाती घेण्यात आली आहे. 

हेही वाचा - घरात उपचार...नको रे बाबा!, ग्रामीण भागात धास्ती; शहरी भागात मात्र प्रतिसाद

मास्क न वापरणाऱ्यांची छायाचित्रे काढून संबधित व्यक्तीवर ऑनलाईन दंडात्मक कारवाईची मोहीम हाती घेण्यात आली आहे. कारवाईसाठी पोलिस मुख्यालयातील सीसी टीव्ही रूमची मदत घेतली जात आहे. कोरोनापासून संरक्षण व्हावे यासाठी प्रशासनाने ही खबरदारी घेतली आहे. संसर्ग रोखण्यासाठी प्रशासनाने नागरिकांनी आवाहन केले आहे. त्यामुळे आता शहरवासियांवर सीसी टीव्हीची नजर असणार आहे. 

संपादन - स्नेहल कदम