कोल्हापूर

मदत राहुदे, फक्त लढ म्हणा; बदनामी न करण्याचं चिखलीकरांचं आवाहन

बदनामीकारक पोस्ट व्हायरल करण्याचे थांबवा, अन्यथा उद्‍ध्वस्त झालेला पूरग्रस्त संपून जाईल

तानाजी मस्कर

प्रयाग चिखली : आम्ही चिखलीकर (chikhali people) चुकीचे नव्हतो आणि नाही. सोशल मीडियावर (social media) व्हायरल झालेल्या बदनामीकारक पोस्ट चुकीच्या आहेत, असे आवाहन ग्रामस्थांतर्फे स्थानिक नेत्यांनी केले. महापूर (kolhapur flood) काळात ग्रामस्थांनी अन्न टाकून दिले, मदत हिसकावून घेतली, अशा खोट्या पोस्टमुळे चिखलीकर व्यथित आहेत, ही बदनामी थांबवावी, असे आवाहनही केले.

चिखलीला २०१९ मध्ये महापुराने बुडविले. २०२० मध्ये महापुराबरोबरच कोरोनाने (covid-19) वर्षभर घरी बसविले. सलग दोन वर्षे पिके कुजली, दूध व्यवसाय संपला, छोटे-मोठे व्यवसाय करून चिखलीकर उदरनिर्वाह करीत आहेत. २२ जुलैला महापुराने अवघ्या दहा तासांत होत्याचे नव्हते केले. अशा महासंकटाच्या खाईत सापडलेल्या चिखलीकरांना समजून घ्या. मदत राहू दे, मात्र फक्त लढ म्हणून ताकद देणारे शब्द हवेत. संपूर्ण महाराष्ट्राने (maharashtra) आम्हाला भरपूर मदत केली आहे. त्यातून अजून उतराई झालेलो नाही. चिखलीकर उद्धट, मग्रूर, लाचार, बेजबाबदार, ऐतखाऊ असल्याच्या पोस्ट सोशल मीडियावर व्हायरल होत आहेत. त्यामुळे चिखलीकर आणखीच व्यथित होत आहेत. ‘गोकुळ’चे संचालक एस. आर. पाटील म्हणाले, ‘‘बदनामीकारक पोस्ट व्हायरल करण्याचे थांबवा, अन्यथा उद्‍ध्वस्त झालेला पूरग्रस्त संपून जाईल.’’

रघू पाटील म्हणाले, ‘‘वादग्रस्त व्हायरल पोस्टची सत्यता जाणून व पडताळून घ्या.’’ माजी सरपंच केवलसिंग रजपूत म्हणाले, ‘‘आतापर्यंत व्हायरल झालेल्या बदनामीकारक पोस्टमधील ग्रामस्थ चिखलीकर नव्हतेच.’’ भाजप कार्यकर्ते पै. संभाजी पाटील म्हणाले, ‘‘पूरग्रस्तांच्या जखमेवर मीठ चोळण्याचे काम कोणीही करू नये.’’ ग्रामपंचायत सदस्य धनाजी चौगले म्हणाले, की शासनाकडून भूखंड मिळून ३२ वर्षे पूर्ण झाली, तरीही अद्याप प्रॉपर्टी कार्ड मिळाले नसल्याने पुनर्वसन रखडले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ESIC New Rules 2026 : कर्मचाऱ्यांसाठी मोठी बातमी! आजारपण आणि प्रसूती लाभांसाठी अर्जाची गरज नाही; पैसे थेट बँक खात्यात जमा होणार

Gadchiroli History: गडचिरोलीच्या घनदाट जंगलात इतिहासाचा खजिना! १६व्या-१७व्या शतकातील ५० वीरगळांचा शोध, शूरवीरांच्या पराक्रमाची शिल्पे उजेडात

IND A vs PAK A: भारत पाकिस्तान सामन्यात टॉसवेळी नेमकं काय घडलं? होत, मॅच रेफ्रींच्या चुकीमुळे वाद, पाकिस्तानी चाहत्यांनी केले आरोप

Water Security 2051 : पुणे महानगर प्रदेशाच्या पाणीपुरवठ्याचे दीर्घकालीन नियोजन; जलसंपदा विभागाचा २०५१ पर्यंतचा जलसुरक्षा आराखडा तयार होणार

Palodwadi Robbery: पालोदवाडीत चार चोरट्यांचा धुमाकूळ; चार घरांवर दरोडा, महिलांच्या गळ्याला चाकू लावून ३.३२ लाखांचा ऐवज लुटला

SCROLL FOR NEXT