कोल्हापूर : सार्वजनिक ठिकाणी थुंकणे या वाईट सवयीच्या विरोधात जनजागृती करण्यासाठी शहरात 'अँटी स्पिट मूव्हमेंट' ही चळवळ ऊभी राहिली.
या चळवळीच्या वतीने जिल्हाधिकारी दौलत देसाई यांना आज निवेदन देत मागील चार महिन्यात राबवलेल्या जनजागृती मोहिमेची सविस्तर माहिती देण्यात आली.
यावेळी जिल्हाधिकारी देसाई म्हणाले, देशात प्रथमच कोल्हापूर थुंकीमुक्त करण्यासाठी अशी लोक चळवळ ऊभी राहिली आहे. या चळवळीच्या माध्यमातून सामाजिक आरोग्याशी संबंधित हा महत्त्वाचा प्रश्न हाताळला जातोय हे विशेष आहे.
तसेच यावेळी जनजागृती बरोबरच शहरातील शासकीय व निमशासकीय कार्यालये, सार्वजनिक ठिकाणे थुंकीमुक्त क्षेत्र करण्याबाबत तसेच थुंकणाऱ्या विरोधात कडक कारवाई करण्याबाबत सकारात्मक विचार झाला. जिल्हा प्रशासन या चळवळीच्या पाठीशी असेल अशी ग्वाही जिल्हाधिकारी यांनी दिली. तसेच शालेय स्तरावर मुलांच्यात हा विषय आधीपासूनच रुजवण्यासाठी प्रयत्न होण्याची गरज त्यांनी व्यक्त केली. शिक्षण विभागाला या बाबतीत सूचीत केले जाईल असेही ते म्हणाले.
हे पण वाचा - Good News:कोल्हापूकरांनो कोव्हॅक्सिीन लस दाखल
यावेळी दिपा शिपुरकर, राहुल राजशेखर,आनंद आगळगांवकर, प्रसाद नरुले, सागर बकरे, राहुल चौधरी व 'अँटी स्पिट मूव्हमेंट' चळवळीचे आदी कार्यकर्ते उपस्थित होते.
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.