कोल्हापूर : जिल्ह्यात उद्यापासून सात दिवसांसाठी लॉकडाऊन होत आहे. यामध्ये, दूध संकलन आणि विक्रीसाठी वेळेची मर्यादा रद्द केली आहे. तसेच, सर्व बॅंकांची मुख्य कार्यालये मर्यादित कर्मचाऱ्यांच्या उपस्थितीत सुरु राहितील व ग्रामीण भागातील एमआयडीसी, खासगी, सहकारी औद्योगिक वसाहतीतील सर्व औद्योगिक कर्मचाऱ्यांना अत्यावश्‍यक सेवेचे काम करणाऱ्या माहिती तंत्रज्ञानाची कार्यालये 50 टक्के क्षमतेने सुरु करण्याचे आदेश जिल्हाधिकारी दौलत देसाई यांनी आज दिले आहे. 

कोल्हापूर जिल्ह्यात दिवसें-दिवस कोरोनाच्या रुग्णांमध्ये वाढ होत आहे. या पार्श्‍वभूमीवर जिल्ह्यात उद्यापासून (ता. 20) कडक लॉकडाऊन करण्याचा निर्णय घेतल आहे. यामध्ये, जीवनावश्‍यक सेवेमध्ये दूध संकलन, वाहतूक पहाटे 5 ते सकाळी 9 पर्यंत तसेच सा यंकाळी 4 ते सायंकाळी 7 पर्यंतच करण्याचे आदेश दिले होते. आता नेहमीच्यावेळेतच दूध संकलन आणि दूध विक्री सुरु राहणार आहे. तसेच, बॅंक एटीएम, कॅश, रीप्लेनिशिंग एजन्सी (सीआरए) ची कोम सुरु राहतील यामध्ये आता सर्व बॅंकांची मुख्य कार्यालये मर्यादित कर्मचाऱ्यांच्या उपस्थितीत सुरु राहतील. 

हे पण वाचा - Video : कोल्हापूरच्या लॉकडाऊन बाबत काय म्हणाले जिल्हाधिकारी?

संपादन - धनाजी सुर्वे