कोल्हापूर - कोल्हापूर शहरातील रंकाळा टाॅवर येथील 32 वर्षीय व्यक्तीला कोरोनाची लागण झाल्याचे समोर आले आहे. हा परिसर सध्या सिल करण्यात आला आहे.त्यामुळे या परिसरात खळबळ उडाली.शहरातला हा 22 वा कोरोनाचा रुग्ण आहे.

दुधाळी परिसरात असलेल्या एका डॉक्टर दाम्पत्याचा मुलगा कोरोना पॉझिटिव्ह असल्याची माहिती आज मिळाली. त्यापाठोपाठ संबंधित खाजगी दवाखाना व रंकाळा परिसर वैद्यकीय यंत्रणेने सील केला. शहरात आढळलेला हा 22 वा कोरोना पॉझिटिव्ह आहे. त्यामुळे खळबळ उडाली आहे. दुधाळी रंकाळा परिसरात एका खाजगी दवाखान्यात डॉक्टर दांपत्य काम करते.त्यांचा मुलगा कोरोना पॉझिटिव्ह आल्याने या दवाखान्यात उपचार घेणारे रुग्ण तसेच या डॉक्टरांच्या संपर्कात आलेल्या व्यक्ती यांचा शोध घेऊन त्यांना व्काॅरंटाईन करण्याची प्रक्रिया आरोग्य यंत्रणेने दुपारी सुरू केली.

कोल्हापुरच्या बातम्या वाचण्यासाठी येथे क्लिक करा 

गेल्या दहा पंधरा दिवसात कोरोना पॉझिटिव्ह आढळण्याचे प्रमाण ग्रामीण भागात अधिक होते. जवळपास 667 व्यक्ती कोरोना पॉझिटिव्ह आढळलेले आहेत. तर 425 व्यक्ती कोरोना मुक्त झाले आहेत. यातील 92 टक्के व्यक्ती या जिल्ह्यातील डोंगरी तालुक्यातील आहेत. अशा गेल्या दहा दिवसात शहरात एकूण चार व्यक्ती कोरोनो पॉझिटिव्ह आढळल्या. त्यांच्यावर उपचार सुरू आहेत. त्यापाठोपाठ आज दुधाळी परिसरात आणखी एक डॉक्टर कोरोना पॉझिटिव्ह आढळला आहे त्यामुळे खळबळ उडाली.