कोल्हापूर - आज सकाळीच चार जणांचे कोरोना अहवाल पाॅझिटिव्ह आल्यानंतर आताही आणखी चार जणांचे आहवाल पाॅझिटिव्ह आले आहेत. त्यामुळे आज दिवसभरात रूग्णांची संख्या आठ झाली आहे. हे रूग्ण करवीर, पन्हाळा आणि शाहूवाडी येथील असल्याचे सीपीआरच्या वैद्यकीय सुत्रांनी सांगितले आहे. आज सापडलेल्या आठ रूग्णांसह आता जिह्यातील संख्या ४३ वर पोहोचली आहे. गेल्या पाच दिवसात कोल्हापुरात रोजच कोरोनाचे रूग्ण वाढत असल्याने जिल्हावासियांमध्ये चिंतेचे वातावरण पसरले आहे.   

कोल्हापुरच्या बातम्या वाचण्यासाठी येथे क्लिक करा

आता कोरोना अहवाल पाॅझिटिव्ह आलेल्या रूग्णांपैकी मोहरे व जाखले (ता. पन्हाळा) आणि एरंडपे (ता. भुदरगड) येथील आई व मुलगा असे एकूण 4 जणांचा कोरोना रिपोर्ट पॉझिटिव्ह आला आहे. कोल्हापूरमध्ये आज (17 मे 2020 ) एका दिवसात 8 जण कोरोना झाला आहे. 

सकाळी एरंडपे तालुका भुदरगड येथील एक रुग्ण सापडला आहे त्या रुग्णाच्या संपर्कात आल्यामुळे त्याची पत्नी व त्याचा मुलगा यांनाही कोरणा झाल्याचे स्पष्ट झाले आहे. 

हे पण वाचा - धक्कादायक ; शाळेतून घरी गेला अन्‌ पॉझिटिव्ह झाला ; कसा घडला हा प्रकार

  
एरंडपे येथील या 27 वर्षाच्या महिलेने मुंबई ते गारगोटी प्रवास केला आहे. तिचा पाच वर्षांचा मुलगा सोबत असून तोही कॉरोना पॉझिटिव आला आहे.
 तर 26 वर्षाच्या तरुणाने पालघर ते पन्हाळा असा प्रवास केला असून 28 वर्षाच्या पुरुषाने अंबरनाथ ते कोल्हापूर असा प्रवास केलेला आहे. पालघर ते पन्हाळा असा प्रवास केलेल्या एकूण आठ व्यक्ती आहेत. त्यापैकी पाच जणांचा रिपोर्ट निगेटिव आला आहे तर अन्य दोघांचे अहवाल प्राप्त व्हायचे आहेत, यापैकी एक जण पॉझिटिव आला आहे.

हे पण वाचा -  धक्कादायक !  क्वारंटाईन असलेल्या तरुणीसोबत घडला किळसवाना प्रकार...

दरम्यान आज सकाळी सापडेल्या रूग्णांमध्ये सोलापुरातून प्रवास करून कोल्हापुरात आलेल्या महिलेसह शाहूवाडीतील एक तरूण, तर भुदरगड मधील एका पुरुषाचा समावेश आहे. त्यांच्याशिवाय आजऱ्यातील एका पुरुषाचाही समावेश आहे. या तिघांनीही मुंबईवरून प्रवास केला आहे. हे चौघेही सीपीआर रूग्णालयांमध्ये कोरोना विलगीकरण कक्षात ऍडमिट होते.