The Cost Of The Wedding Was Paid To The Village School Kolhapur Marathi News 
कोल्हापूर

लग्नाच्या वरातीचा खर्च दिला गावच्या शाळेला

अशोक तोरस्कर

उत्तूर : लग्नसोहळा म्हटले की, ग्रामीण भागात उत्साह काही औरच असतो. डीजे साऊंडचा धुमधडाका, फटाक्‍यांची आतषबाजी असते. साहजिकच सोहळ्यात काहीही कमी पडणार नाही याची पुरेपूर दक्षता घेतली जाते. गावातील लग्न वा तत्सम सोहळ्यात दिसणारे हे चित्र बदलविण्याचा प्रयत्न मासेवाडी (ता. आजरा) येथील परीट परिवाराने केला आहे. त्यांनी लग्नातील वरातीचा खर्च गावातील प्राथमिक शाळेसाठी केला. या निमित्ताने एक नवा विधायक पायंडा पडला आहे. 

दिनकर गुंडू परीट यांचा मुलगा विवेक यांचा विवाह कोमल हिच्यासी मंगळवारी (ता. 16) झाला. परीट समाजाने सामाजिक प्रश्‍नात प्रगल्भता दाखवत वरातीवर उधळपट्टी करण्यापेक्षा हा खर्च शाळेसाठी करण्याचा निर्णय घेतला. त्यांनी 1 ली ते 8 वीच्या सर्व विद्यार्थ्यांना 30 हजार रुपये किमतीचे लेखन, वाचन व फर्निचरचे साहित्य दिले. यावेळी सरपंच पांडुरंग तोरगल्ले, शाळा व्यवस्थापन समितीच्या उपाध्यक्षा संगीता परीट, पिंटू परीट, शिक्षक एकनाथ आजगेकर, तसेच रवींद्र येसादे उपस्थित होते. 

थाट बदलण्याचा प्रयत्न
ग्रामीण भागात लग्न वा तत्सम सोहळे थाटात साजरे करण्याची परंपरा आहे. त्याकरिता प्रसंगी जमीन गहाण ठेवून कर्जही काढले जाते. असे असूनही लग्नासारख्या सोहळ्यात थाट काही केल्या कमी होत नसल्याचे चित्र आहे. हे बदलण्याचा प्रयत्न परीट परिवाराने केला आहे. 
- एकनाथ आजगेकर, शिक्षक. 

मानसिकता बदलविण्याचा प्रयत्न
डीजेची ग्रामीण भागात चांगलीच धूम आहे. बेधुंद होऊन वरातीत नाचण्यात सारे मग्न होत असल्याने त्यावरून अनेकदा वादही उद्‌भवतात. या वादाचे रूपांतर काही वेळा हाणामारीत होते. ही मानसिकता बदलविण्याचा प्रयत्न परीट परिवाराने केला आहे. 
- पांडुरंग तोरगल्ले, सरपंच. 

संपादन - सचिन चराटी

kolhapur

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Eknath Shinde: ‘स्थानिक’मध्ये महायुतीच! उपमुख्यमंत्री एकनाथ शिंदे यांना बहुमताचा विश्वास

Beed News : दिवाळी साजरी करताना हातातच फुटला फटाका; ६ वर्षाच्या मुलाला गमवावी लागली दृष्टी, बीडमधील दुर्देवी घटना...

Cracker Free Tamil Nadu Village: ना कर्णकर्कश्श आवाज, ना धूर...चैन्नईतील वेतांगुडीत पक्ष्यांसाठी फटाक्यांविना साजरी केली जाते दिवाळी

Crime: धक्कादायक! उपचारासाठी गेलेल्या २१ वर्षीय तरुणीसोबत संतापजनक कृत्य, मुलीनं सांगितली आपबिती, क्रूर डॉक्टर अटकेत

Latest Marathi News Live Update : मुस्लिम समाजाला जवळ करण्याचे दत्तात्रय भरणे यांचे कार्यकर्त्यांना आवाहन

SCROLL FOR NEXT