आजरा (कोल्हापूर) : आजरा तालुक्यात कोरोनाचा  पुन्हा एकदा शिरकाव झाला आहे. तालुक्यात कोरोनाचे चार रुग्ण सापडले आहेत. आजरा शहरातील चर्च गल्लीमधील एक महिला बाधित आहे.ह‍ारुर, गवसे व सोहाळे येथील तीन पुरुष बाधित झाले आहेत. हे सर्व जण साठ वर्षांवरील ज्येष्ठ नागरिक आहेत.

आजरा तालुक्यात  प्रतिबंधक लस मोहीम सुरू असून तालुक्यात आतापर्यंत पहिला डोस 4 हजार 272 तर दुसरा डोस 275 नागरिकांनी घेतला आहे.  आरोग्य खात्यात काम करणारे 982 जणांनी पहिला डोस तर 257 जणांनी दुसरा डोस घेतला आहे फ्रन्टलाइन वर काम करणाऱ्या नी आतापर्यंत पहिला डोस  334 तर दुसरा डोस 19 जणांनी घेतला आहे. 60 वर्षापेक्षा कमी वय असलेल्या 376 जणांनी पहिला डोस घेतला आहे तर दुसरा डोस अद्याप एकाही व्यक्तीने घेतला नाही .साठ वर्षांपेक्षा अधिक वय असलेल्या ने आतापर्यंत पहिला डोस 2519 जणांनी घेतला आहे.

संपादन- अर्चना बनगे