कोल्हापूर - कोल्हापूर शहर आणि जिल्ह्यामध्ये कोरोना संसर्ग वाढू लागल्यामुळे प्रशासनाने बेड वाढवण्याची जबाबदारी घेतली आहे.विविध खासगी हॉस्पिटल सुरु करण्यासोबतच सार्वजनिक स्वरूपात तयारीही केली जात आहे. कोल्हापूर महापालिका आयसोलेशन येथे ६० बेडचे रुग्णालय उभा करत आहे. त्यासोबतच महासैनिक दरबार हॉल याठिकाणी आणखीन दीडशे बेडचे रुग्णालय तयार करण्यात येणार आहे.

कोल्हापूर जिल्हा प्रशासन कोल्हापूर महानगरपालिका क्रेडाई आणि रोटरी क्लब यांच्या सोबतीने प्रशासन हे काम करत आहे. कोरोना रुग्णांची संख्या वाढत जाईल तशी गंभीर परिस्थिती तयार होत आहे. या काळात उपचाराविना रुग्णांचे हाल होऊ नयेत यासाठी प्रशासन ही तयारी करत आहे. महासैनिक दरबार हा हॉल मोठा आहे. याचा परिसरही मोठा आहे. सर्वच दृष्टीने येथे हॉस्पिटल केले तर प्रशासनाला ते सोयीचे ठरणार आहे.त्यामुळे कोल्हापूर महापालिकेचे आयुक्त डॉक्टर मल्लिनाथ कलशेट्टी यांनी यासाठी बांधकाम व्यावसायिकांची संघटना क्रेडाई,रोटरी क्लब यांच्यासोबत चर्चा केली आहे. 

वाचा - बेळगावात कोरोनावरील लसीच्या मानवी चाचणीला सुरुवात...

येत्या आठ दिवसात येथे बेडची व्यवस्था केली जाईल अशी माहिती महापालिका आयुक्त डॉ.मल्लिनाथ कलशेट्टी यांनी दिली. त्यासोबतच आयसोलेशन येथील साठ बेडची व्यवस्था झाली आहे. येत्या चार दिवसात हे काम सुद्धा पूर्ण होणार आहे.

संपादन - मतीन शेख