कोल्हापूर - शहरातील साळोखे नगर परिसरातील कोपर्डेकर हायस्कूल समोर असणाऱ्या मैदानामध्ये तरुणाचा भोसकून खून करण्यात आला. संकेत पाटील (वय 20 रा. वाल्मिकी वसाहत परिसर) असे मृत तरुणाचे नाव आहे. घटनास्थळी पोलिस दाखल झाले आहेत. पुढील शोध सुरु आहे. दरम्यान, या घटनेमुळे शहर परिसरात घबराहाट पसरली आहे. कालच केर्ली येथील तरुणावर चाकून हल्ला करण्यात आला होता. ही घटना ताजी असताना आता ही धक्कादायक घटना समोर आली आहे. (Crime news in kolhapur salokhe nagar)

मिळालेली माहिती अशी की, शहारातील वाल्मिकी परिसरात राहणारा संकेत पाटील हा युवक शाहूपुरीमधील एका गॅरेजमध्ये कामाला आहे. शनिवारी रात्री साळोखे नगर परिसरातील कोपर्डेकर हायस्कूल समोर असणाऱ्या मैदानामध्ये त्याचा भोकसून खून झाल्याचा अंदाज पोलिसांनी वर्तवला आहे. याबाबत पोलिसांकडून अजूनही या खूनामागील कारणाची अधिकृत माहिती मिळालेली नाही. पुढील तपास सुरु असून पंचनामा करण्यासाठी पोलिस घटनास्थळी दाखल झाले आहेत.