कोल्हापूर : येथे बुधवारी रात्री उशीरा एका तरुणाचा कचरा टाकण्यावरुन निर्घृण खून करण्यात आला. क्रांतीसिंह नाना पाटीलनगरात हा प्रकार घडला. या प्रकरणी पोलिसांनी तीन सख्ख्या भावांविरोधात गुन्हा नोंद केला आहे. आकाश वांजळे (वय २५, रा. क्रांतिसिंह नाना पाटीलनगर) असे मृताचे नाव आहे.

करवीर पोलिसांनी मध्यरात्री या प्रकरणी तिघांपैकी दोघा भावांना ताब्यात घेतले आहे तर एकाला शासकीय रुग्णालयात दाखल केले आहे.  या प्रकारामुळे क्रांतिसिंह नाना पाटीलनगर येथे तणाव निर्माण झाला आहे.

याबाबत पोलिसांनी दिलेली माहिती अशी ः वांजळे आणि संशयित हल्लेखोरांमध्ये काही दिवसापासून वाद होते. बुधवारी सायंकाळी कचरा टाकण्यावरून त्यांच्यात पुन्हा वाद झाला व त्यांच्यात हाणामारी झाली. तिघा भावांनी वांजळेवर जीवघेणा हल्ला केला. गंभीर अवस्थेत त्याला शासकीय रुग्णालयात दाखल केले; मात्र उपचार सुरू असतानाच त्याचा मृत्यू झाला. वांजळे याच्या नातेवाईकांसह मित्रांनी शासकीय आवारात गर्दी केली होती. त्यामुळे तेथे तणाव होता.

हेही वाचा - एका संशयित पैलवानास घेतले ताब्यात

संपादन - स्नेहल कदम