कोल्हापूर : ज्वेलर्स दुकानाच्या फलकावर महिलेचे छायाचित्र लावल्याच्या कारणातून तिघा अज्ञातांनी दुकानदाराकडे पाच लाखांची खंडणीची मागणी केली. खंडणी न दिल्यास दुकान फोडण्याची धमकीही त्यांनी दिली. याबाबत जुना राजवाडा पोलिसांत महिलेसह चौघा संशयितावर गुन्हा दाखल करण्याची प्रक्रिया रात्री उशिरा पर्यंत सुरू होती.

पोलिसांनी दिलेली माहिती, शहरातील एका ज्वेलर्स दुकानावर फलक लावला होता. त्यावर दागिने परिधान केलेल्या एका महिलेचे छायाचित्र होते. हा फलक संबंधित महिलेच्या निदर्शनास आला तिने संबंधित दुकानदाराला याबाबत जाबही विचारला. त्यानंतर तिच्या तिघा साथीदारांनी दुकान मालकाला लावलेल्या फलकाबाबत विचारणा केली. त्यांनी हा फलक पेंटिंग करून घेतल्याचे सांगितले. मात्र त्यांनी विनापरवाना छायाचित्राचा वापर केल्याबद्दल दुकान मालकाकडे पाच लाखांच्या खंडणीची मागणी केली. ही खंडणी नाही दिली तर दुकान फोडण्याची धमकीही दिली. दुकान मालकाने हा प्रकार जुना राजवाडा पोलिसांना सांगितला. याप्रकरणी संशयित महिलेसह खंडणी मागणाऱ्या तिघांवर गुन्हा दाखल करण्याची प्रक्रिया पोलिस ठाण्यात सुरू होती.

हेही वाचा - शेती क्षेत्रात आपली वेगळी छाप उमटावी म्हणून अक्षय शेतात नव-नवे प्रयोग करत आहे 

संपादन - स्नेहल कदम