कोल्हापूर - कोल्हापूर जिल्हा माध्यमिक शिक्षण सेवकांची सहकारी पतसंस्थेच्या (कोजिमाशि) निवडणुकीची मतमोजणी रमणमळा येथील शासकीय धान्य गोदामात सुरू आहे. आत्तापर्यंत सुमारे 4000 मते मोजून झाली. त्यामध्ये शिक्षक नेते दादा लाड यांच्या नेतृत्वाखालील स्वाभिमानी सहकार आघाडीचे उमेदवार सुमारे 400 ते 700 मतांनी आघाडीवर आहेत. सध्याचे मताधिक्य पाहता सत्ताधारी आघाडीची विजयाकडे वाटचाल सुरू आहे.

दरम्यान, आता कोजिमाशि निवडणुक सर्वसाधारण गटातील 16 उमेदवारांची मतमोजणी सुरू आहे. यातील 5000 मतांची मोजणी झाली असून त्यामध्ये दादा लाड यांचे नेतृत्वाखालील सत्ताधारी स्वाभिमानी आघाडीचे उमेदवार सुमारे 554 ते 994 मतांनी वाढून आहेत. (बातमी अपडेट होत आहे)