कळंबा (कोल्हापूर) : साधारण सहा ते सात महिन्यांचे स्त्री जातीचे मृत अर्भक येथील गटारीमध्ये आढळून आले. अज्ञाताने रात्री हे अर्भक टाकल्याची प्राथमिक माहिती पुढे आली आहे.

काल (बुधवार) सकाळी स्थानिक नागरिकांना हे अर्भक दिसताच त्यांनी याची माहिती करवीर पोलिसांना (Karveer Police) दिली. पोलिसांनी घटनास्थळी येवून पंचनामा केला. करवीर पोलिस ठाण्यात याची नोंद झाली आहे.

पोलिसांनी दिलेल्या माहितीनुसार, कळंबा येथील कात्यायनी कॉम्प्लेक्सच्या बोळातील गटारीत एक अर्भक असल्याचे आज सकाळी दिसून आले. त्यानंतर स्थानिक असलेले प्रशांत जवळीमठ यांनी याची माहिती पोलिसांना दिली. पोलिस उपनिरीक्षक निवास पोवार यांनी घटनास्थळी जावून पंचनामा केला. तेंव्हा एका कापडामध्ये ते गुंडाळलेले होते.