कोल्हापूर : करवीर निवासिनी श्री अंबाबाई मंदिरात नवरात्रोत्सवानंतर होणाऱ्या प्रसादाची परंपरा यंदाही श्री महालक्ष्मी भक्त मंडळाने कायम ठेवली. कोरोनाच्या पार्श्वभूमीवर मंदिर अजूनही भाविकांना दर्शनासाठी बंद आहे. मात्र, सर्व सुरक्षिततेचे नियम पाळत अकराशे भाविकांना घरपोच प्रसाद पाठवण्यात आला.
श्री अंबाबाईला खीरीचा प्रसाद अर्पण केल्यानंतर "फटाफट' या डिलीव्हरी कंपनीचे केदार जोशी यांच्या मार्गदर्शनाखाली वीस रायडर्सच्या माध्यमातून हा प्रसाद पोच करण्यात आला. कोरोनामुळे बदलत्या काळानुसार बदलत्या तंत्राचा आधार घेत यंदा भाविकांना प्रसाद घरपोच करण्याचा भक्त मंडळाने निर्णय घेतला आणि त्याला भाविकांचाही मोठा प्रतिसाद मिळाला, असे मंडळाचे अध्यक्ष राजू मेवेकरी यांनी सांगितले.
यावेळी ज्येष्ठ संचालक एस. के. कुलकर्णी, हर्षदा मेवेकरी, अमित जाधव, राजेश सुगंधी, सुनील खडके, प्रशांत तहसीलदार, तन्मय मेवेकरी, आदित्य मेवेकरी, अतिष जाधव, आसावरी जोशी, रविंद्र फलटणकर आदी उपस्थित होते.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.