इचलकरंजी - शहरातील आणखी एका महिलेचा डेंग्यूने मृत्यू झाला अलीकडच्या काळात डेंग्यूने शहरातील दुसऱ्या महिलेचा बळी घेतला आहे. आज डेंग्यूने मृत्यू झालेली महिला गाव भागातील राम मंदिर परिसरातील आहे. त्या ठिकाणी पालिकेने तातडीने स्वच्छता व औषध फवारणी बाबत हालचाली सुरू केल्या आहेत.

इचलकरंजी शहरात गेले काही दिवस डेंगूने फैलाव केला आहे.अनेक भागात यापूर्वीही डेंग्यूचे रुग्ण मोठ्या प्रमाणात वाढले आहेत.  त्या ठिकाणी पालिकेने धूर फवारणी, औषध फवारणी त्याचबरोबर पाणी तपासण्याची मोहीम जोरदार पद्धतीने सुरू केले आहे.बंद असलेल्या यंत्रमाग कारखान्यात ही मोठ्या प्रमाणात पाण्याच्या टाकीमध्ये डेंगूच्या आळ्या सापडल्या होत्या. त्या पार्श्वभूमीवर त्या कारखान्यांमध्ये योग्य ते दक्षता घेण्यात आली होती. गाव भागातील राम मंदिर परिसरातील 42 वर्षीय  महिलेने खासगी रुग्णालयात तपासणी केली. त्यावेळी तिचे मोठ्याप्रमाणात प्लेटलेट्स कमी झाल्याचे आढळून आले.

वाचा - कोल्हापुरात लोकराजा राजर्षी छत्रपती शाहू महाराज यांची जयंती साधेपणाने साजरी

त्यामुळे तिला उपचारासाठी कोल्हापूर येथे पाठवण्यात आले होते. कोल्हापूरातील एका खासगी रुग्णालयात उपचार सुरू असतानाच त्यांचा काल रात्री मृत्यू झाला. आज सकाळी या मृतदेहांवर अंत्यसंस्कार करण्यात आले.
  दरम्यान या भागात पालिका यंत्रणा सतर्क झाली आहे. आरोग्य खात्याच्या वतीने तातडीने औषध फवारणी तसेच धूर फवारणी सुरू करण्यात आले आहे. त्याचबरोबर परिसरातील सर्व घरातील टाक्यांची तपासणी करण्यात येत आहे. यापूर्वी श्रीपाद नगर भागातील एका महिलेचा मृत्यू झाला होता त्या पाठोपाठ गाव भागातील या महिलेचा मृत्यू झाल्याने लोकांच्यात भीतीचे वातावरण निर्माण झाले आहे.