कोल्हापूर : उपमुख्यमंत्री अजित पवार (Ajit Pawar)यांनी आज सकाळी कोल्हापूर शहरातील पूरग्रस्तांची पाहणी केली. यावेळी शिवाजी पुलापासून केर्ली (Kerli to Shiwaji Pool)पर्यंत भराव न टाकता उड्डाणपूल करणे आवश्यक असल्याचे पालकमंत्री सतेज पाटील यांनी सांगितले. तर नदीपात्रात बांधकामे अधिक होत असल्याचे ग्रामविकास मंत्री हसन मुश्रीफ यांनी निदर्शनास आणून दिले. याबाबत सविस्तर आढावा घेऊ असे उपमुख्यमंत्री अजित पवार यांनी स्पष्ट केले.(Deputy-Chief-Minister-Ajit-Pawar-kerli-Shiwaji-Pool-visit-kolhapur-Live-update-akb84)

कालचा दौरा रद्द झाल्याने आज पवार यांनी सकाळी शिरोळ मधील दौरा पूर्ण करून शहरात कुंभार गल्ली येथील पाहणी केली. धावत्या दौऱ्यात त्यांनी पाणी कुठपर्यंत आलं होतं याची माहिती घेतली. त्यानंतर ते शिवाजी पुतळ्याकडे रवाना झाले. नेहमी पूरस्थितीमध्ये पाण्यात जाणारा भाग पाहून पालकमंत्र्यांनी या परिसरात भराव न टाकता केर्ली ते शिवाजी पूल असा उड्डाणपूल करणे अपेक्षित असल्याचे सांगितले. यानंतर आढावा बैठकीसाठी सर्व ताफा शासकीय विश्राम गृहाकडे वळला.

शासकीय विश्रामगृहामध्ये बैठक सुरू झाली तरीही काही अधिकारी बैठकीसाठी येतच होते. वेळीच दौरा असल्याने अनेक अधिकाऱ्यांची तारांबळ उडाली. काही आमदार ही उशिरा पोहोचले. मात्र पवार यांनी आपली बैठक सुरूच ठेवली.