कोल्हापूर: ढगाळ हवामानामुळे हेलीकॉप्टर उतरू शकत नसल्याने उपमुख्यमंत्री अजित पवार हे कोल्हापूर ऐवजी सांगलीकडे रवाना झाले. कोल्हापूर आणि शिरोळ या ठिकाणी पूरस्थीतीची पाहणी करण्यासाठी सकाळी नऊ वाजता कोल्हापुरात येणार होते. त्यानंतर ते सांगलीकडे रवाना होणार होते. मात्र हेलीकॉप्टर उतरु न शकल्यामुळे ते आता सुरुवातीस सांगलीकडे रवाना झाले आहेत.(Deputy-Chief-Minister-Ajit-Pawar-visit-in-Kolhapur-flood-latest-news-akb84)

कोल्हापुरात महापूराने हाहाकार माजवला आहे. अनेकांची घरे पाण्यात गेली आहेत. अनेक घरांचे नुकसान झाले. याची पाहणी करण्यासाठी आज उपमुख्यमंत्री अजित पवार हे जिल्हा दौऱ्यावर येत आहेत. यावेळी ते पूरस्थीतीचा आढावा घेणार आहेत. आज सकाळी कोल्हापुर आणि शिरोळ येथील पूरग्रस्थाना भेटून माहिती घेणार होते. मात्र हवामान बदलामुळे त्यांनी पूर्वनियोजीत कार्यकाम बदलला.

त्यांचा पूर्वनियोजीत दौरा अला होता

आज सकाळी 9 वाजता हेलिकॉप्टरने कोल्हापूर विमानतळ येथे आगमन. 9.15 ते 10 वाजेपर्यंत पूरग्रस्त परिसर पाहणी- शाहू सांस्कृतिक हॉल येथे पूरग्रस्तांच्या तात्पुरत्या निवारा केंद्रास भेट. शिवाजी पूल पूरग्रस्त परिसर पाहणी. 10.15 वाजता मोटारीने शासकीय विश्रामगृहाकडे प्रयाण व कोल्हापूर जिल्ह्यातील पूरग्रस्त परिस्थितीची आढावा बैठक (स्थळ : शासकीय विश्रामगृह, कोल्हापूर) बैठकीनंतर कोल्हापूर विमानतळाकडे प्रयाण. 11.30 वाजता हेलिकॉप्टरने श्री. दत्त शेतकरी सहकार साखर कारखाना लि. हेलिपॅड, ता. शिरोळकडे प्रयाण. दुपारी 12 वाजता शिरोळ परिसर पूरग्रस्त पाहणी करुन दुपारी 1.15 श्री. दत्त शेतकरी सहकार साखर कारखाना लि. हेलिपॅड येथून हेलिकॉप्टरने सांगलीकडे प्रयाण.