कोल्हापूर - किणी टोल नाक्कायावर झालेल्या कारवाईत सहभागी असलेल्या पोलिसांचा राज्याचे पोलिस महासंचालक मुंबईत सत्कार करणार आहेत. त्यासाठी या पथकाला तीन फेब्रुवारी रोजी मुंबईत निमंत्रण देण्यात आले आहे. ही घटना घडल्यानंतर तातडीने त्याची माहिती महासंचालकांना देण्यात आली. त्यांच्या वतीने ही माहिती राजस्थान पोलिसांना कळविण्यात आली. अतिशय खतरनाक गॅंग म्हणून ज्यांची ओळख आहे, अशा गॅंगमधील गुन्हेगारांना जिवाची पर्वा न करता कोल्हापुरात पकडल्याची राज्याच्या पोलिस महासंचालकांनी तत्काळ दखल घेतली व त्यांना सत्कारासाठी तीन फेब्रुवारीला मुंबईला पाठवावे, असे विशेष पोलिस महानिरीक्षक सुहास वारके यांना कळवले. श्री. वारके यांनी घटनास्थळी येऊन या पथकाचे कौतुक केले व तीन तारखेच्या मुंबईतील भेटीची माहिती दिली.

वाचा - साहेब, चित्रपटापेक्षाही भयानक परिस्थिती होती... कोल्हापूर एन्काउंटरचा असा थरार....

कारवाईचे शिलेदार...

पोलिस अधीक्षक डॉ. अभिनव देशमुख, स्थानिक गुन्हे अन्वेषण शाखेचे पोलिस निरीक्षक तानाजी सावंत, सहायक पोलिस निरीक्षक संतोष पवार, सत्यजित घुले, पोलिस कर्मचारी नामदेव यादव, पांडुरंग पाटील, रणजित कांबळे, सुरेश पाटील, संतोष माने, सुनील इंगवले, चंदू ननवरे, सुभाष वरूटे, नितीन चौथे, सुजय दावणे, वैभव पाटील, सचिन पाटील आदी या कारवाईचे शिलेदार ठरले.