इचलकरंजी : घटस्फोटासाठी (Divorce) न्यायालयात (Ichalkaranji Court) अर्ज केल्याच्या रागातून पतीने पत्नीवर कुऱ्‍हाडीने हल्ला केला. जखमी माधवी माणतेश पुजारी (वय ३५) यांच्यावर आयजीएम रुग्णालयात उपचार सुरू आहेत.

याप्रकरणी पती माणतेश सिद्धाप्पा पुजारी (वय ३५) याच्यावर शिवाजीनगर पोलिस (Shivajinagar Police) ठाण्यात गुन्हा दाखल झाला आहे. सातपुते गल्लीतील माधवी पुजारी या मंगळवारी सकाळी रिक्षाने जाण्यासाठी साखरपे हॉस्पिटलजवळ थांबल्या होत्या.

यावेळी त्यांचे पती माणतेश पुजारी हा या ठिकाणी आला. न्यायालयात घटस्फोटासाठी का अर्ज केला असे म्हणत माधवी यांना शिवीगाळ केली. अचानक पत्नीवर लहान कुऱ्हाडीने डाव्या हातावर मारून जखमी केले.