आजरा : आजरा शासकीय रुग्णालयातील एका महिला डॉक्टरसह तिघेजण कोरोना बाधित झाले आहेत. आजरा ग्रामीण रुग्णालय मधील एका महिला डॉक्टरचा कोरोना अहवाल पॉझीटीव्ह आला आहे. सदर महिला डॉक्टर सध्या आजरा कोवीड सेंटर येथे रुजू होत्या. या महिला डॉक्टर निपाणी येथील असून त्यांच्या कुटुंबातील सर्व व्यक्ती पॉझीटीव्ह आल्या आहेत. याच कुटुंबातील एक लहान मुलगा निगेटिव्ह आला आहे.

हेही वाचा - Video -  ना ढोल, ना ताशा कोल्हापूरातील प्रथम मानाच्या गणेशाचे सोशल डिस्टंन्स ठेवत  विसर्जन...

आजरा कोविड सेंटर येथील लॅब टेक्नीशियन यांचाही कोरोना अहवाल पॉझीटीव्ह आला आहे. या कर्मचाऱ्याच्या भावाचा संपर्क एका कोरोना रुग्णांशी आल्याचे समजते. त्यामुळे हा कर्मचारी आपल्या भावाच्या संपर्कातून कोरोना पॉझीटीव्ह आल्याचे समजते. सदर कर्मचारी राधानगरी येथील असून तेथेच कोविड सेंटर येथे त्याच्यावर उपचार सुरू आहेत.

हेही वाचा -  चिनी ॲपला बंदी मात्र भारतीय विद्यार्थ्यांना ऑनलाईन शिक्षणात या अडचणी..

तर उर्वरित दोघांमध्ये एका परिचारिकेचा आणि एका शिपायाचा समावेश आहे. या परिचारिका देखील कोविड सेंटर येथे कामास असल्याचे समजते तर शिपाई यांचा मुलगा कोविड सेंटर येथे कामास असल्याचे समजते. खबरदारी म्हणून आजरा ग्रामीण रुग्णालय येथे औषध फवारणी आणि साफसफाईसाठी रुग्णालय दोन दिवस बंद ठेवण्यात येणार आहे. तर फक्त तातडीच्या रुग्णांना ग्रामीण रुग्णालय येथे सेवा दिली जाणार आहे.

संपादन - स्नेहल कदम