कोल्हापूर : चहा हे आपलं आवडतं पेय.चहा बरोबर बिस्किट खाणं हे एक समिकरणच पण चहा पिण्याबरोबर  कप ही खाता येणार आहे. थोडं वेगळ वाटताय. ही पण एक गंमत आहे. 'युज अँण्ड थ्रो' ही संकल्पना अधिक वाढत असताना चहाचे कागदी व प्लॅस्टिकच्या कपांचे बाजारात पेव फुटले आहे.परंतु या कपातील चहामुळे मानवी शरिरावर घातक परिणाम होऊ शकतात असे संशोधन समोर आले आहेत. या कपांना पर्याय म्हणुन कोल्हापुरातील तीन उच्चशिक्षित तरुण मित्रांना सुचली एक युक्ती यांनी एकत्र येत तयार केला 'इडीबल कटलरी कप' हा नेमका कप आहे तरी काय चला घेऊया जाणून..

मेकँनिकल इंजिनियर असलेल्या दिग्विजय गायकवाड या तरुणाला बिस्किट कपांची कल्पना सुचली.त्याने आपल्या आदेश कारंडे व राज खामकर या दोन इंजिनिअर मित्रांना ही कल्पना बोलुन दाखवली. आणि 'इडीबल कटलरी कप' अर्थात खाण्यायोग्य बिस्किट कपांची निर्मिती केली. नोकऱ्यांची  वाणवा असताना,नविन व्यवसाय उभा करण्याच्या  त्यांचा विचार पक्का झाला.आंध्रप्रदेश मधुन मिक्सिंग मशिन आणत त्यांनी या कपांचे उत्पादन सुरु केले आहे.

असा तयार होतो इडीबल कटलरी कप

मैदा,राईस पावडर,चॉकलेट पावडर, साखर यांचे एकत्रीत मिश्रण करत कपाच्या आकाराच्या साच्यात भरुन ते हिटींग मशिन मध्ये दहा मिनिटात कपांची निर्मिती होत आहे.

नव्या व्यवसायाला  मित्रांची  साथ

शहरातील चहा स्टॉलला हे कप पुरवले जात आहेत. दिवसाला जवळपास दिड ते दोन हजार कपांची विक्री ते करत आहेत.चहा स्टॉल बरोबर घरगुती कार्यक्रमात ही या कपांना मागणी मागणी होत होत आहे. तिघा मित्रांकडूनच या उत्पादनाचे मार्केटिंग केले जात आहे.या नव्या व्यवसायात त्यांना सिद्धार्थ बुधवंत व युवराज राऊत या मित्रांची ही साथ लाभली आहे.

 तरुणांना असा संदेश 

प्लॅस्टिकचे तसेच कागदी आरोग्याला हानी कारक आहेत.तसेच पर्यावरणाला धोका पोहोचवणारे आहेत.या कपांना फाटा देत.बिस्कीट कपांची निर्मिती करत नव्या व्यवसायासह पर्यावरण रक्षणाचा संदेश या तरुणांनी दिला आहे.

स्टार्ट अप सुरु करण्याचा  विचार

इंजिनिअरींगचे शिक्षण घेवुन ही नोकरीच्या मागे न लागता आम्ही तिघां मित्रांनी 'इडीबल कटलरी कप' निर्मिती केली. ही संकल्पना घेवुन माणसांचे आरोग्य तसेच पर्यावरण रक्षणाचा संदेश देण्याचा आमचा प्रयत्न आहे .या माध्यमातून नवा स्टार्ट अप सुरु करण्याचा आमचा विचार आहे.
दिग्विजय गायकवाड

संपादन- अर्चना बनगे