कोरे मिलिटरी अकॅडमीत उद्यापासून
क्षमता विकास प्रशिक्षण कार्यशाळा

वारणानगर, ता. ८: येथील तात्यासाहेब कोरे मिलिटरी अकॅडमी येथे १० ते १२ जूनदरम्यान तीनदिवसीय शिक्षक क्षमता विकास प्रशिक्षण कार्यक्रमाचे आयोजन केल्याची माहिती प्राचार्य डॉ. एम. टी. कलाधरण यांनी दिली.
शिक्षकांसाठी बदलत्या शैक्षणिक अभ्यासक्रमानुसार क्षमता विकास करणे तसेच कौशल्य व ज्ञान वाढवण्यासाठी व उच्च गुणवत्तेचे शिक्षण देण्यास सक्षम बनविण्यासाठी शिक्षकांसाठी तीन दिवसाचे प्रशिक्षण शिबिर व कार्यशाळा होईल. यात नावीन्यपूर्ण शिकविण्याच्या पद्धती, आगामी पिढीमध्ये दर्जेदार शिक्षण देण्याविषयी शिक्षण संस्थांची भूमिका वर्ग व्यवस्थापन व तंत्र शिक्षणात तंत्रज्ञानाचे एकत्रीकरण, विद्यार्थी मूल्यांकन व मूल्यमापन, विद्यार्थ्यांचा भावनिक आणि सामाजिक विकास या विषयांवर चर्चा होणार आहे. प्रशिक्षणात वारणा परिसरातील शंभर शिक्षक सहभागी होणार आहेत. सुस्मिता मोहंती, डॉ. शोभा कुंभार, डॉ. देवेंद्रसिंग यादव, डॉ. किरण पाटील, डॉ. व्ही. व्ही. कार्जनी, अमेय महेश साखरे, डॉ. दिनेश सातपुते, माहेश्वरी चौगुले व प्राचार्य डॉ.प्रकाश कुंभार यांचे मार्गदर्शन होणार आहे. कार्यक्रमाचे आयोजन वारणा विभाग शिक्षण मंडळाचे अध्यक्ष आमदार डॉ.विनय कोरे व मुख्य कार्यकारी अधिकारी डॉ.व्ही.व्ही. कार्जनी यांच्या मार्गदर्शनाखाली होत आहे. यावेळी तात्यासाहेब कोरे मिलिटरी ॲकॅडमी चे टी. बी. ऱ्हाटवळ, प्रशांत जाधव, डी. ए. मुजावर उपस्थित होते.