कोल्हापूर : कोल्हापूर जिल्हा हे माझे कुटुंब समजतो. माझ्याच कुटुंबातील हजारो लोक कोरोनाग्रस्त आहेत. शेकडो लोकांचा कोरोनामुळे मृत्यू झाला. अशात मी माझा वाढदिवस साजरा केला नाही. त्यावेळी सध्याची महामारी लवकरच निघून जाईल, अशी प्रार्थना करतो, अशी भावनिक पोस्ट जिल्हाधिकारी दौलत देसाई यांनी सोशल मीडियावर प्रसिद्ध केली आहे.
जिल्हाधिकारी दौलत देसाई यांचा आज वाढदिवस झाला. त्यांनी किंवा त्यांच्या कुटूंबियांनी त्यांचा हा वाढदिवस साजरा केला नाही. दिवसभर फेसबुक, व्हॉट्स ॲप, इंन्स्टाग्रामसह सोशल मीडियावरून जिल्हाधिकारी श्री. देसाई यांच्यावर वाढदिवसाच्या शुभेच्छांचा वर्षाव होत आहे. आज दिवसभर ते कोरोना रुग्णांवर उपचार, बेड वाढविण्याचे नियोजनासह इतर नियोजनाच्या कामात व्यस्त राहिले.
दरम्यान, शेकडो लोकांनी त्यांना फोनवरून शुभेच्छा देण्याचा प्रयत्न केला. पण शुभेच्छाचे फोन शक्यतो नाकारले. तर, सोशलमिडियावरूनही त्यांनी शुभेच्छा देणाऱ्यांचा आभार मानून जिल्ह्यातील वास्तव परिस्थितीमुळे वाढदिवस साजरा केला नसल्याचे सांगितले. श्री देसाई यांनी कोल्हापूर जिल्हा हे कुटूंब आहे. याच कुटूंबातील हजारो लोक कोरोनाशी झुंज देत आहेत. तर, शेकडो लोकांचा कोरोनामुळे मृत्यू झाला आहे, ही मोठी खंत आहे. त्यामुळे वाढदिवस साजरा करण्याऐवजी जिल्ह्यासह देशातील ही कोरोनाची महामारी तात्काळ निघून जावी, अशी प्रार्थनाही श्री देसाई यांनी केली आहे.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.