कोल्हापूर : मोर्फिंग करून अश्‍लील छायाचित्रे सोशल मीडियावर टाकून बदनामी केल्याप्रकरणी एका महिलेने दोन तरुणांवर राजारामपुरी पोलिसांत तक्रार दाखल केली आहे. समाधान कांबळे (वय २८) आणि गणेश हेळकर (दोघेही भारतनगर) अशी संशयितांची नावे आहेत.  

हेही वाचा- म्हणून त्याने साडेतीन लाख कोंबड्या गाडल्या आणि फोडली दोन लाख अंडी....

पोलिसांकडून मिळालेली माहिती अशी

 एका महिलेच्या छायाचित्राचे मॉर्फिंग करून अश्‍लील छायाचित्रे सोशल मीडियावर व्हायरल केले होते. चुकीच्या पद्धतीने छायाचित्रे टाकून  बदनामी केली आहे, अशी तक्रार राजारामपुरी पोलिस ठाण्यात दाखल करण्यात आली आहे.  

 हेही वाचा- घाबरु नका कोल्हापूरात कोरोनाचा संसर्ग नाही...

फेसबुकवर दोघांशी केली मैत्री 

यातील संबंधित महिलेचे फेसबुक या सोशल मीडियावर अकाउंट आहे. फेसबुकवर महिलेची दोघांशी मैत्री झाली होती. छायाचित्रात बदल करून दुसऱ्या व्यक्तीचा चेहरा लावून अश्‍लील छायाचित्र तयार केले. नंतर ते सोशल मीडियावर व्हायरल केले. याबाबत तिने आपल्या पतीबरोबर येऊन राजारामपुरी पोलिसांत तक्रार दाखल केली. सायबर पोिलस ठाण्याच्या मदतीने पोिलस तपास करीत आहेत.