कोल्हापूर : पार्किंगमध्ये लावलेली गाडी काढण्याच्या कारणावरून जमावाने रुग्णालयात घुसून साहित्याची नासधूस करीत महिला डॉक्टरसह दोघांना मारहाण केली. शनिवार पेठ पोस्ट कार्यालयाजवळ आज दुपारी हा प्रकार घडला. याबाबतची फिर्याद डॉ. जयंता अभय पाटील यांनी दिली. या प्रकरणी संशयित उदयानी साळुंखे यांच्यासह १० ते १२ जणांवर लक्ष्मीपुरी पोलिसांत गुन्हा दाखल झाला.
शनिवार पेठेत डॉ. जयंता पाटील यांचे माऊली हॉस्पिटल आहे. आज दुपारी त्यांच्या पार्किंगसमोर मोटार उभी केली होती. ती हॉस्पिटलमधील कर्मचाऱ्यांनी काढण्यास सांगताच संशयित उदयानी साळुंखे (पूर्ण नाव, पत्ता माहीत नाही) यांच्यासह १० ते १२ जण हॉस्पिटलमध्ये घुसले. त्यातील काहींनी डॉ. पाटील यांना कन्सल्टिंग रूममधील पितळी घोडा फेकून मारला. त्यांचा मुलगा विश्वजित भांडण सोडविण्यासाठी आला असता त्यालाही मारहाण केली.
काहींनी संगणकासह साहित्याची नासधूस करून कुंड्या, खुर्च्या विस्कटल्याची फिर्याद पाटील यांनी दिली. त्यानुसार साळुंखेसह १० ते १२ जणांवर गुन्हा दाखल केला. पोलिस निरीक्षक अनिल गुजर यांच्या मार्गदर्शनाखाली उपनिरीक्षक शेळके तपास करीत आहेत.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.