कोल्हापूर: खरेदीचा बहाणा करून दुकानात आलेल्या तीन महिलांनी पावणेचार तोळ्यांच्या सोन्याच्या बांगड्या हातोहात पळविल्या. दसरा चौक परिसरातील एका ज्वेलर्समध्ये भरदिवसा हा प्रकार घडला. संशयित महिला सीसीटीव्हीत कैद झाल्या आहेत. याची नोंद लक्ष्मीपुरी पोलिस ठाण्यात झाली.

आज दुपारी तीनच्या सुमारास तीन महिला रिक्षातून तनिष्क ज्वेलर्समध्ये आल्या. सेल्समन सतीश यादव यांना तिघींनी सोन्याच्या बांगड्या खरेदी करायच्या असल्याचे सांगितले. ते तिघींना सोन्याच्या बांगड्या दाखवत होते. त्या वेळी त्यांची नजर चुकवून १ लाख ८६ हजार रुपये किमतीच्या ३७ ग्रॅमच्या दोन बांगड्या महिलांनी पळवल्या. हा प्रकार काही वेळाने यादव यांच्या लक्षात आला. त्यांनी याची माहिती मालकांना दिली.

हेही वाचा- शिक्षकांना प्रशिक्षण देणारी ही आहे कोल्हापूरातील पहिली संस्था 
 

दुकानातील सीसीटीव्हीची तपासणी केल्यावर सोन्याच्या बांगड्या गायब करणाऱ्या तिघी सीसीटीव्हीत कैद झाल्याचे दिसले. याबाबत यादव यांनी लक्ष्मीपुरी पोलिसांत फिर्याद दिली. 

संपादन- अर्चना बनगे