कोल्हापूर : पाणीपट्टी आकारणी व वसुलीसाठी महानगरपालिकेने स्पॉट बिल आणि स्पॉट कलेक्‍शन हा प्रकल्प कार्यान्वित केला आहे. याचा लाभ 28 हजार 36 कनेक्‍शनधारकांनी लाभ घेतला आहे. सुमारे 5 कोटी 40 लाख 89 हजार 247 रुपये रक्कम जागेवरच जमा झाल्याची माहिती आयुक्त डॉ. मल्लिनाथ कलशेट्टी यांनी दिली. 
पाणीपट्टी आकारणी व वसुली प्रभावीपणे राबविण्यासाठी 2016 पासून स्पॉट बिल आणि स्पॉट कलेक्‍शन प्रकल्प चालू केला आहे. 
या प्रकल्पाव्दारे नारिकांना पाणी बिलाची आकारणी करून प्रत्यक्ष जागेवर छापील बिल देण्याची सोय केली आहे. ज्यांना नागरी सुविधा केंद्रात बिल भरणे शक्‍य नाही, अशांसाठी जागेवरच बिलाची रक्कम स्वीकारून त्याची पावती देण्यात येते.  शहरातील नागरिकांना व ग्रामीण भागातील नागरिकांना महानगरपालिकेच्या स्पॉट बिल आणि स्पॉट कलेक्‍शन नागरी सुविधाकेंद्राकडे बिल भरणे शक्‍य नाही, त्यांनी दारात रिडींग घेण्यासाठी आलेल्या अधिकृत मीटर रिडर्सकडे बिलाची रक्कम जागेवरच भरून जागेवरच संगणकीकृत पावती घेऊन या योजनेचा लाभ घ्यावा.