कोल्हापूर - गेल्या दहा-बारा दिवसांपासून जिल्ह्यातील कोरोनाबाधित रुग्णांचा आकडा वाढत असताना आज तेराव्या दिवशी जिल्ह्याला दिलासा मिळाला होता. आज (दि. २६) दुपारी साडेतीन वाजेपर्यंत जिल्ह्यात एकही कोरोनाचा रूग्ण सापडला नाही. परंतु, नुकत्याच हाती आलेल्या अहवालानूसार पाच जणांना कोरोनाची लागण झाल्याचे स्पष्ट झाले आहे.

कोल्हापुरच्या बातम्या वाचण्यासाठी येथे क्लिक करा

जिल्ह्यात आज दिवसभर 1762 करून तपासणी अहवाल निगेटिव्ह आले आहेत. मात्र, रात्री सव्वानऊ वाजता आलेल्या रिपोर्टनुसार नव्याने पाच कोरोना रुग्णांची भर पडली आहे त्यामुळे आत्तापर्यंत जिल्ह्यात 383 रुग्णांची नोंद झाली आहे.

हे पण वाचा - कोल्हापुरात 9 दिवसात कधी,किती, कसे सापडले कोरोना पाॅझिटिव्ह ? वाचा ग्राफिक्सच्या माध्यमातून... 

दरम्यान, काल दिवसभरात ३७ बाधितांची भर पडली होती. यामुळे जिल्ह्यातील एकूण बाधितांची संख्या ३७८ वर पोचली होती. आता पाच जणांचे अहवाल पाॅझिटिव्ह आल्याने ही संख्या आता 383 वर पोहोचली आहे. काल अहवाल पॉझिटिव्ह आलेले सर्व जण अलगीकरण कक्षात असून त्यांना रात्री उशिरापर्यंत सीपीआर हॉस्पिटलमध्ये दाखल करण्याचे काम सुरू होते. 

हे पण वाचा -  कोकण - कर्नाटकी आंब्यांची दरात अशी चाललीय टक्कर... 

 

शिवाय काल कोरोनामुक्त झालेल्या सहा जणांना घरी सोडण्यात आले. त्यामुळे बरे होऊन घरी गेलेल्या एकूण रुग्णांची संख्या २० वर पोचली आहे. दोन रुग्णांचा यापूर्वीच मृत्यू झाला असून उर्वरित रुग्णांवर उपचार सुरू आहेत.