पोलिस यंत्रणा सज्ज, पण काही सतर्क ...
कोल्हापूर, ता.४ः मतमोजणीच्या सुरुवातीच्या दोन-चार तासांच्या टप्प्यात सर्व पोलिस यंत्रणा सज्ज होती. साधारण दुपारी साडेबारा-एकनंतर त्यामध्ये शिथिलता आली. मतमोजणी केंद्रातील पोलिस वगळता रस्त्यावरील पोलिसांनी मोबाईल हॅण्डसेट घेऊन राज्याचा, देशाचा निकाल पाहण्यात वेळ काढला. पोलिस अधीक्षक महेंद्र पंडित, अपर पोलिस अधीक्षक जयश्री देसाई, उपअधीक्षक अजित टिके आणि सुजितकुमार क्षीरसागर मतमोजणी केंद्रावर वारंवार लक्ष्य ठेवून होते.
...
मतमोजणी केंद्रात मोबाईलशिवाय
मतमोजणी केंद्रामध्ये मोबाइल हॅण्डसेट घेऊन जाण्यासाठी मनाई होती. त्यामुळे मोजणी केंद्रावर जाण्यापूर्वीच प्रवेशद्वाराजवळ हॅण्डसेट ठेवण्यासाठी खास व्यवस्था केली होती. त्यासाठी वेगळा कक्ष होता. येथे काहींनी त्यांचे हॅण्डसेट जमा केले होते. स्वतंत्र पार्किंगची व्यवस्था होती. नेटके नियोजन तेथे दिसून आले. जिल्हाधिकारी अमोल येडगे यांनी नियोजन काटेकोरपणे अमलात येईल, याची काळजी घेतली.
...
पोस्ट चौक सुनासुना...
रमणमळा येथील जनरल पोस्‍ट ऑफिस चौक सुनासुना राहिला. धान्य गोदामात मतमोजणी असताना याच चौकात कार्यकर्त्यांना रोखले जात होते. त्यामुळे येथेच मोठ्या प्रमाणात गुलालाची उधळण झाली होती. महावीर कॉलेजजवळूनच पुढे मतमोजणी केंद्राकडे जाण्यासाठी सर्वसामान्यांसाठी रस्ता बंद केला होता. त्यामुळे केंद्राबाहेर जल्लोष नव्हता.